suos afflixit: hinc se haud immeritò omnibus inuisum suspicatus, quũ Polyzelum fratrem, qui Damaratam Theronis Agrigentinorum Tyranni filiam, Gelonis viduam in vxorem duxerat, maximo ab omnibus amore & studio coli videret; veritus ne ab illo subnixo fauore ciuiũ, regno aliquando priuaretur, praetextu auxilij Sybaritis ferẽdi, qui a Crotoniatis graui obsidione premebantur. Polyzelum in Italiam cũ exercitu mittit; sperans illum ab hostibus occisum iri. Sed postquam hostibus a Polyzelo profligatis, cõtra ac Hiero sperauerat euenisset; necaliud haberet, quò salutem fratris iustè im peteret, varias exinde insidias eidem moliri non destitit. Eo intellecto Theron Polyzeli socer, indignatus ad

bellum Hieroni inferendum se comparat; quod tamẽ intercedente Simonide Poëta, ac desponsa Hieroni Theronis sorore sopitum est. Alij aliter tradunt; nempe Polyzelum, quum se non tam ad auxilium Sybaritis ferendum, quàm vt ab hostibus interficeretur mitti suspicaretur; expeditionem recusasse: quumq́ue Hieronem ob eam tergiuersationem grauiter indignatum videret; peiora veritum ad Theronem Agrigentinorum Tyrannum confugisse: Hieronem intellecta fratris ad Theronem fuga, se ad illum insequendum, simul ad bellum Theroni inferendũ accinxisse: Himeręos audita fratrum dissentione, quum Thrasydaei Theronis filij Tyrannide premerentur; nec tamen illum apud patrem accusare

auderent; ad Hieronem Theronis inimicum consugisse; imperium vrbis, simul belli aduersum Theronem societatem ofserentes, si se Thrasydaei Tyrannide liberare, & vrbem in suam tutelã recipere vellet. Hieronem accepta occasione, sperantem hoc modo se pristinam Theronis beneuolentiam recuperaturum, Himeraeorum consilia ipsi prodidisse: Theronem intellecta rei veritate primùm se ac Polyzelum fratrem Hieroni reconciliasse; deinde in defectores crudeliter animaduertisse. Defunctus ad hunc modum bello Hieron, quum in morbum grauissimũ incidisset, ocium a rebus gerendis, quod aduersa corporis valetudo concedebat, in audiendis doctissimorum virorum sententijs impendit: hinc

iam firmior factus, quum ass duam vti prius in audiẽdo Pindaro, Simonide & Bacchylide grauissimis Poëtis operam daret, breui illorum consuetudine alius efficitur: ita vt quos prius auaritia & crudelitate afflixerat, eosdem humanitate & munificentia sibi conciliare studeret; ac cum

fratribus summa deinceps concordia vixerit: Quum itaque in summa iã tranquillitate regnaret, animum ad constituendam ornandamq́ue Siciliam adijciens, Naxiôs & Catanaeos, quòd illis minus fideret, in Leontinos transcripsit. In Catanam autem quinque Peloponensium & totidẽ

Syracusanorum millia colonos deduxit: vrbiq́ue Doricas Leges quae erant praestantissimae, dedit: eandemq́ue mutato nomine A Etnam appellauit: