20.
21.
DE EODEM GOLTZII OPERIS
FRONTISPITIO
MELIORIS BARLAEI ANTVERPIANI
EXPLICATIO
.
QVAS
mihi prima noui caelatas pagina libri
Continet historias, varijs operosa figuris?
Agnosco artificem, quo non praestantior alter
AEre referre viros, & vultus ducere caelo
GOLTZION
illum, illum, nobis qui prima reportat
Secla, vel egesto tenebris vberrimus auro.
Ast operis de principio, portuq́ue sub ipso
Si tantum mihi crescit opus quo cetera metro
Persequar? heu finis mihidesperata laborum est.
Quis modò crediderat superari tempora posse
Non modò, sed claris iamdudum lapsa reduci
Ingenijs? non te Iouis ira ò inclyta Roma
Perdidit? Italiam non Barbarus eruit ignis?
Non fato cecidêre viri? clarósne triumphos
Obruit, & rerum faciem inuidiosa vetustas?
Pridem antiqua tamen nos reddita tempora nobis,
Vidimus, & solito rediuiuam culmine Romam
Conspicuam; priscósque datum spectare triumphos
Italiae; veterésque viros, queîs supplicat orbis,
Et sua purpurei prosternunt sceptra Tyranni.
Ilicet & fati fera vis, & Martis, & Aeui
Ingenio cedunt.
SICVLO
shoc denique
GRAIIS
,
(Quamuis saeua maris rabies interstrepat ambos)
Et pote diuulsos
ITALIS
miscere
SICANOS
.
Auribus haud mirum si res haec dura fuisset,
Ni manifesta fides oculis subiecta pateret.
Nónne vides
TRIPEDIS
manifesta Aenigmata monstri?
Haec sunt Trinacrij tria promontoria ŕegni,
Cautibus infida, & pelago proiecta sonanti.
Nónne vides tumidas, queîs protinus arserat, iras
INFERNI IOVIS
optata posuisse rapina?
Quas non ille minas? quae non immania magnis
Intentans Superis, concusso Acheronte mouebat?
Ni sibi coniugio detur pulcerrima virgo,
Cogaturq́ue chaos traducere caelibelecto?
Non aliter superat Libyae campestria saeuus
Ore leo, pulcra suffultus terga iuuenca,
Qualis & hic, miserae genitricis ab vbere raptis,
Raptor ouat spolijs, quid enim, prò, perdita clamat,
Quodnam aliud vocat auxilium, quàm futile matris?
Auferor, ô Mater, rapiórque miserrima
DITI
Victima. Diffugiunt pariles Aetate puellae,
Quas illi comites dederat redolentibus Ennam
Floribus exuere, heu, nimium secura Deorum.
Hae, postquam subita horrentem caligine campum,
Et picea circum virgulta liquescere tabe.
Fumantésque rotas, & flantes naribus ignem
Quadrupedes,
REGEMQVE EREBI
super axe rotarum
