Full text: Goltzius, Hubert: SICILIA ET MAGNA GRAECIA SIVE HISTORIAE VRBIVM ET POPVLORVM GRAECIAE EX ANTIQVIS NVMISMATIBVS RESTITVTAE

141.


terra mariq́ue oppugnare aggreditur. Ceterum quum obsessis per Timoleontem commeatum ex Catana subuehi per exploratores didicisset, placuit Catanenses subita vi & ex improuiso citato agmine, & coniunctis copijs opprimere. Interea Neo praesidij in arce praefectus de hostium profectione certior factus in eorum qui Acradinam tenebant,

stationes irruens prostratis profligatisq́ue defensoribus, eam quoque vrbis partem in Corinthiorum potestatẽ redegit, occupatamq́; & commeatu & armis instructam muro & praesidio muniuit. Icetes clade suorum intellecta, Catanam relinquere coactus Syracusas cum copijs & Carthaginensium auxilijs reuertitur, quumq́ue praeter Neapolim nulla vrbis pars quam armis tueri posset eidem reliqua esset eam quoque Timoleon magna vi & cõtentione, actriplici agmine aggressus expugnat. Icetamq́; suga elapsum vitae suae & fortunis apud Leontinos breui temporis spacio permisit. Ad hunc modum Timoleon tota Syracusarum vrbe potitus,arcem vtpote tyrannidis propugnaculum simul vt praeteritarum calamitatum obliuionem ciuibus induceret,praeterea magnisica & superba tyrannorum praeter vnius Gelonis,sepulchra,in assertae ab

ipso libertatis monumentum demoliri, & ipsorum ciuium oppressorum manibus funditus euerti iussit. Ceterum vt Syracusas tot fortunae semper variantis conuersionibus, ac frequenti continuaq́ue tyrannorũ

crudelitate laceratas & ferè desertas recrearet, ciuiũ decem millibus qui per Asiam & Graeciam vt suae libertati consulerent sparsi vagabantur vel agebant reuocatis, ad haec conscriptis ex Italia sexaginta millibus colonorum, eosdem ad frequentandam vrbem honestis conditionibus & legibus euocauit. Inde ad reliquas Siciliae ciuitates à tyrannide liberandas conuersus, Leptinem tyrannum ab Engio & Apollonia ciuibus libertate donatis expulit. & postquam virtute bellica alias complures à seruitute asseruisset,quum Rempublicam Syracusanam interiore quoq; malo legum multitudine & factionũ studijs laborare obseruaret, etiam ad corrigendos ciuitatis mores animum adiecit. Quamuis enim legum

quamplurimos in maleficos ex delicto rectè à Diocle latas animaduerteret frequenti tamen ordinum inter se dissentione, plaerasq́ue vel honores illicitos adipiscendi studio, vel bonos viros expellendi caussa, per vim & inuidiam rogatas fuisse reperit. Leges igitur quae de rerum priuatarum iudicijs à Diocle olim conscriptae erant, eas ita ratas esse iussit. Ceterum Reipublicae statum in popularem conuertit, concilium è Senatoribus domesticum constituit:annuum adhaec magistratum qui populi sussragijs crearetur,à cuius nomine annis deinceps vt apud Athenienses ab Archonte,apud Romanos à Consulibus, ita & apud Syracusanos ab Amphipolo,nomina darentur. Atque vt is quoq; magistratus religione 
Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer