ACHAS filius Ioathã Regis Iuda, successit patri in eodem regno anno mũdi 3192. ante Christum natum 770. hic non est secutus vestigia patris sui, sed Regum Israël: impiissimus etiam filium suum consecrauit, transferens eum per ignem, secundum idola gentium. obsessus est à Phacea, & Rasi Rege Syriae, nec superatus est. Iniit societatem cum Theglat-Phalasar Rege Assyriorum, qui Rasim interfecit, in cuius gratiam ablato Dei cultu, diis Syriae sacrificauit: imperauit annos sedecim, & successit ei filius suus Ezechias. Vide lib. 4. Reg. cap. 16. & Iose. lib. Antiqui. 9. cap. 13.
    EZECHIAS filius Achas successit patri in regno Iudae, anno mũdi 3208. ante Christum natum 754. hic pius vestigia Dauid secutus est, dissipauit excelsa, cõtriuit statuas, succîdit lucos, confregítq; serpentẽ ęneũ, quẽ fecerat Moyses, siquidẽ vsq; ad illud tempus filij Israël adolebant ei incensum. Affuit illi Dominus: nam rebellauit contra Regem Assyriorum, & non seruiuit ei: Philist haeos persecutus est: anno sexto regni sui capta est Samaria à Salmanasare, vt in Hosea dictũ à me est. Posthaec Sẽnacherib Assyriorum Rex in Deum blasphemus, Iudaeam deuastauit, Ierusalem obsedit, miraculo tamen diuinitus liberata est: siquidẽ Angelus Domini occidit vna nocte 180000. hominum in castris Sennacherib, qui inde recessit. Deinde aegrotauit Ezechias, cui mortem praedixit Esaias, attamen oratione & fletu obtinuit à Deo adiici vitae suę annos 15. signúmq; sanitatis ab Esaia accepit in vmbra decẽ linearum, retrograda, in horologio suo. Merodac-Baladan Babyloniorum Rex, cùm accepisset morbo laborare Ezechiam, misit ei literas & munera. imperauit annos 29. successit ei filius Manasses. Vide 4. li. Reg. 18. 19 & 20. ca. & Ioseph. li. Anti. 9. & 10.
g