PARIS , qui & Alexander dictus, Priami filius fuit & Hecubae. Hunc pater exponi iussit, quòd mater praegnans somniasset se facem ardentem parere: attamen Hecuba materno affectu ducta, curauit vt in Ida monte à pastoribus nutriretur. Adole scens Oenonem amauit, ex qua Idaeum & Daphnidem sustulit. Tandem à parentibus agnitus ac receptus, suscepit legationem in Graeciam ad repetendam Hesionem, vbi Helenam rapuit, Troiámque abduxit anno mundi 2768. ante Christum natum 1194. nempe primo anno regni Agamẽnonis. Propterea bellum Graecorum aduersus Troianos exarsit. Scribit Herodotus renitentem abduxisse, Sparténque expugnasse, ob id à viro recipi meruisse. Achillem sagitta interemit Paris, vicissim quoq; interemptus est à Pyrrho Achillis filio. Herodo. lib. 2. Dares, Di ctys Cretensis.
    HELENA , Iouis & Ledae silia, à Theseo primùm rapta, nec multo post Castori & Polluci fratribus reddita, Menelai vxor fuit, cui Hermionem peperit: hanc Paris seu volentem seu nolentem abduxit, vti dictum à me supra est, ac in vxorem duxit. Haec proditionis Troię conscia suisse dicitur, cùm Graeci armis dissidentes ad dolum se conuertissent: ac facem, proditionis signum, ex arce sustulisse, & cum priore viro in gratiam rediisse. De simulachro ac templo Helenae, in quo mulier ex turpissima, speciosissima facta est, vide Herodotum libr. 6. Capta est Troia deficiente iam vere, 17 diebus ante conuersionem aestiuam, anno mundi 2783. ante Christum natum 1179. Vide Diony. Halicar.