THESEVS Aegei Athenarum Regis filius, ex Aethra Pithei filia, regnauit Athenis anno mundi 2730. ante Christum natum 1232. Hic Herculem imitatus, mare ingressus est: ad ea certamina adiecit animum, quae laudem & gloriam sibi essent allatura: iuuenis adhuc Creontem tyrannum occîdit: praetereataurum vastantem Atticam, & Minotaurum: item Scyronem, Procrustem, & Schynin latrones, in Attica trucidauit. Cum Hercule aduersus Amazonas strenuè militauit, quarum reginam Hippolyten abduxit, ex qua filium Hippolytum sustulit. Iustin lib. 2. Diodo. lib. 5. Plutarc. in vita Thesei. Ouid. epist. 4. & 10. Hicfirmam amicitiam cum Pirithoo iunxit.
    MINOTAVRVS , filius fuit Pasiphaë, & iuuenis cuiusdam formosissimi, nomine Tauri, qui, morbo laborante Minoë matito Pasiphaës, cum hac concubuit, peperítque Pasiphaë ipsa ex eo concubitu filium, qui inde Minotaurus dictus est, quòd cùm Minoïs filius putaretur, re vera tamen Tauri filius esset: quem ideo Minos relegauit, atq; insectatus est: ad quem tandem Theseũ misit, qui accepto ense ab Ariadne, eũ occîdit. Hec Palephatus libro de non credendis fabulosis narrationibus. De hoc Minotauro multa fabulantur Poëtae, quòd semiuir, ac semibos fuerit, vnde Ouid.
Semiuirúmque bouem, semibouémque virum:

   quòd Labiryntho, à Dędalo fabresacto inclusus, obiectos sibi homines deuorarit. Vergil. lib. 6. Aenei. Oui. epist. 10.