SCRIBONIA Imperatoris Augusti vxor fuit, postquàm ille dimisisset supradictã Claudiam, quae illi in matrimonium pa cta fuerat, sicuti diximus. Porrò Scribonia haec nupserat antè duobus Consularibus, & ex altero quoq; mater fuerat: cum hac etiam diuortium fecit Augustus, pertaesus (vt scripsit) morum eius peruersitatem: ex hac filiam Iuliam suscepit. Vide C. Suetonium Tranquillum in vita Octauij Augusti, Romanorum imperatoris secundi.
    LIVIA Drusilla vxor quoque fuit Augusti, quam matrimonio Tiberij Neronis, & quidem praegnantem abduxit, dilexítque ac probauit vnicè ac perseueranter. Ex hac nullos suscepit liberos, cùm maximè cuperet: infans quiconceptus erat, immaturus est editus. in osculis Liuię, & in hac voce desecit Augustus: Liuia, nostri coniugij memor viue, ac vale: sortitus exitum facilem, & qualem semper optauerat. Vide Suetonium Tranquillum in Octauio Augusto.
m 4