SYLLA Romanus Patricius, Cõsul, mittitur à Senatu aduersus Mithridatem. Archelaum Mithridatis ducẽ obsidet, vincit, ita vt ex 120. hominum millibus vix decem superessent millia Archelao: Athenas capit Sylla anno mundi 3877. ante Christum natum 85. Mithridates 70. hominum millia lectissima Archelao in subsidium mittit: vno atque altero praelio has omnes Mithridatis copias delet Sylla: Archelaus triduo nudus in palude latet. Mithridates pacem postulat: non daturum se respondet Sylla, nisi relictis quae occuparat, in regnum redeat. Interim Sylla Dardanos, Scordiscos, Dalmatas & Moesos partim vincit, par tim in fidem accipit. Ecce autem interea Romae Marius & Cor. Cinna nobilissimos ex Senatu interficiunt, multos proscribunt: Syllae domum euertunt: vniuersus reliquus Senatus ex vrbe fugiens, ad Syllam in Graeciam venit, atq; vt patriae subueniat, pre catur. In Italiam ille traiicit, Marianam factionem dissipat: aduersariorum exercitus delet, fundit, obruit. Eutr. li. 5. Appi. li. 1. Flo. li. 3. Dictaturam gerens, ea se abdicauit, ruríque agens morbo obiit pediculari.
    MARIVS , C. Marij filius, Romae consulatum gerens infeliciter contra Syllam dimicat, 20000. ex suis perdit: Praeneste fugit, obsessus ad mortem compellitur. Eutro. lib. 5. Porrò Flo. li. 3. scribit hunc apud Catuli sepulchrum, oculis, manibus, cruribúsque defossis, aliquandiu seruatum, vt per singula membra moreretur.
l 3