BRENNO , seu Brennus, Gallorum Senonũ Dux fortiss. collecto exercitu in Italiam irrupit (nec tamen primus, nam ante 200. an. Galli Italiam inuaserant) cúmque vrbem Clusium obsedisset, dimissa obsidione, totis viribus Romam contẽdit, quem Fabius cum exercitu excepit, nec tamen obstitit: quin potius impetus ille hostilis Romanos quasi aridas segetes succîdit: testatur hanc Fabij cladem fluuius Allia. patentem Romam capit Brẽno, (nam metu perculsi Rom. in Capitolium se receperant) eam depraedatur ac exurit: Capitolium obsidet: pacta pecunia obsidionem soluit: cum aurum penderetur, additur etiam à Gallo duce ponderi gladius, anno mundi 3576. ante Christum natum 386. Tit.Li. 5.Eutro. li. 1. Oro. lib. 2. ca. 19. Ab hoc, seu ab alio eiusdem nominis, extructam ferunt Brenonam, que postea Verona dicta est: nam post an. cẽtum Brẽnus quidam, Gallorum qui Graeciam inuaserunt dux, Sosthenem fudit: at contra Delphos infeliciter pugnans, pugione seipsum confodit. Iustin. libr. 24. Porrò Galli cùm Nicomedi Bithyniae Regi, opem aduersus Ziboeam tulissent, parta victoria, regionem partiti sunt: inde Gallograecia dicta. Tit.Liu. li. 8. Deca. 4. Iustin li. 25.qui etiam scribit Gallos sedibus Thuscos expulisse, ac Mediolanũ, Comum, Brixiam, Veronam, Bergomum, Tridẽtum, & Vicentiã in Italia condidisse.
    M. FVRIVS Camillus nobilis Roman. Dictaturam quin quies gessit triumphum quater egit. hic ob praedam Veiẽtanam, in exilium abiit, deos orans, vt si insontiea sibi iniuria fieret, statim desiderium sui ingratae ciuitati facerent: quod contigit: nam paulò pòst Dictator creatus, Brẽnum vincit, aurum reportat, vt inquit Liuius: nam Drusum potius sunt qui censeant aurum extorsisse. Sueto. in Tibe. Plutar. in Camil.