112 
tatem, ambiguum quippè redderent pulchritudinis, & fre¬ 
quentiae principatum. Aduersae se spectant, & mutua admi¬ 
ratione aliae alias suspiciunt. Adiuuat contentionem fluuius 
speculo crystallini vadi obiecto, in quo & se se, & alias 
intuentur. Interstinguuntur, pagis, & castellis frequentibus 
quorum inter se est facilis, & perpetuus commeatus. Emi¬ 
nent certis in locis Templa nitida, ampla, ornata suis turri¬ 
bus, ad aera campana sustinenda accommodatis. Sono Cym¬ 
balorum Cymbae excipiuntur, quem in plausum vectorum 
oppidani vertunt. Interdum occurrunt nauigantibus ana¬ 
tum, & anserum turbae natabiles, an volatiles? Alludunt, & 
arrident grato garritu praetereuntibus, & alis, & pedibus 
expansis imitantur remigia, & lyntres repraesentant. In ijs 
ripis, & culta vrbanitas intra Palatia, & rustica simplicitas 
intra casas habitat. Duo sunt ordinaria Diuersoria. Dolus 
& Mira, sed innocentia in Dolo, & facilia in Mira: vtro¬ 
bique magnifica. Nihil in Dolo dolendum, omnia in Mira 
miranda. Editur, bibiturque hilariter; sermones sciti cum 
sapore dapum conueniunt. Ita reficiuntur cibo vires, & au¬ 
res confabulatione recreantur. Sunt qui malunt in Cymba 
edere ex antè paratis, vel ex fortuitis, ac in transitu emptis. 
Ea diuersorium praestat. Vnam fermè horam prandetur. 
Reditur ad Cymbam. Reliquum viae conficitur. Vnius no¬ 
ctis, dieiue nauigatio est. Qui nocte soluit, manè appellit; 
qui manè, vesperè peruenit. Noctes breues partes crepuscu¬ 
lorum sunt; longas confabulatio consumit; nemini taedio 
sunt longae, nemini breues incommodo. Somni copia vo¬ 
lenti suppetit. Furari qui vult aures sermonibus, oculos som¬ 
no reddit: Vocatus hic, & interdum improuisus venit. Eò 
gratior, quòd non arcessitus. Iucundissima illa est nauiga¬ 
tio, intra ripas, citra nauseam, extra scopulos: nullo tempesta¬ 
tis metu, nulla ſuſpicione naufragij, nullo Pyratarum timo¬ 
re. Ambulationem aqueam dixeris, 
Tam tutò nauigatur, 
ac si terra iter fieret. Nec naulum quemquam vectorem 
grauat.