98
deant; earum sono terretur Luna Ottomanica, & ad deli¬
quium cogitur! Et quidem aluntur tormenta sulphure
naphta, nitro, puluere igniario. Quidquid in fodinis, sinubus¬
que subterraneis natura occultauit, illud ars Veneta eò se per
meatus, cuniculosque insinuans, extraxit, & in vsum reduxit.
Reuelanda item sunt vela, quorum magna vis est. Haec
alarum instar sunt nauibus, cum remi sint pedum. Repunt
simul, & volant. Quaedam tam latos expandunt sinus, vt
ventos consumant, & flatus extinguant. Rectè dixit, qui
illarum gremium Aquilonis hospitium, &) Austri diuerso¬
rium appellauit. Syluas in aquis dissolutas intuere, lignis ibi
materiarijs nauium conditis, quae in terris nata nutriuntur
aquis, & harum humore virescunt, seque comparant ad
nauigandum, induentia aquarum naturam, suo tempore in¬
de extrahenda: manum mouentis, & caedentis expectant
inita cum aquis societate, deponunt duritiam, & ad formam
aduentitiam emollescunt. Obtundit aures fragor malleo¬
rum, strepitus serrarum, sonitus terebrarum, crepitus ascia¬
rum, sonitus operarum tundentium, secantium, dolantium,
terebrantium ligna, & fabricantium naues, quorum disso
nus instrumentorum pulsus harmoniam ciet victoriarum.
Plausu illo classes accenduntur ad praelia. Illi soni epinicia
meditantur. Pars in sicco, pars in vdo fabricatur, altero al¬
teri elemento gloriam inuidente. Imò intra ipsas naues aedi
ficatur, vt sit structura carior, quae est interior: norunt sua
membra, & ossa naues, quò tutiùs, ac diutiùs consistant.
Seruiunt ijs lyntres, cymbae, celoces, aphracta, myoparo
nes, & suppeditant quae sunt opus ad fabricationem. Ni¬
mirum triremes, liburnicae, & rostratae harum dominae
sunt; quibus humido illa obsequio ancillantur; eunt, ac re¬
deunt, perpetuo cientur motu, vt illae consistant, & con¬
stent, dum aedificantur: Accipiunt haec officia, ea cum po¬
steâ vicerint, redditura. Moram aedificandi aufert copia, &
induſtria operarum: locus eo in loco non est otio. Nihil
hic