Full text: Bernoulli, Daniel: Hydrodynamica s. de viribus et motibus fluidorum commentarii

HYDRODYNAMICÆ. dente, quod de aqua deſcendente: hæc autem in fig. 18. eo celerius effluit per
orificium M N, quo amplius eſt, & quo humilius poſitum: ergo etiam fumus
eo celerius caminum tranſibit, eoque magis ignis in foco accendetur, quo
altius ducetur caminus, & quo magis ſuperiora verſus divergit, ſi modo non
nimis divergat; quod utrumque experientia confirmat; Ipſe deinde inſuper
expertusſum, ſi caminus alicubi perforetur, tantum abeſſe, ut fumus per fora-
men iſtud exitum tentet, quin potius aër magno impetu irruat, ſeque fumo
miſcens per caminum aſcendat, non ſecus atque aërem per foraminulum e in
tubum F G N M (Fig. 18. & 19.) irrumpere indicavimus. Ita vero fumus mino-
ri certe copia, aut ſaltem difficilius aſcendet ignisque remittet.

Cæterum duæ ſunt potiſſimum cauſæ, altera aliena altera naturæ rei
propria, quæ motum aquæ valde retardare poſſunt in fig. 18. & 19. Prior eſt
adhæſio aquæ ad latera tubi, & altera, quod cum tubus amplitudine creſcit
velocitas aquæ, nullibi ſibi conſtans in quovis tubi loco mutetur, quæ mutatio
ſi oriri cenſeatur ab impulſibus infinite parvis aquæ velocius motæ in aquam
minus velociter motam, apparet ſingulis momentis ab impulſibus his corpo-
rum mollium aliquid de aſcenſu potentiali perdi, unde neceſſario aquarum ef-
fluxus notabiliter diminuitur.

§. 26 Loco ultimo nunc dicam quædam de vaſis recurvis, ex quibus
aquæ non omnes effluunt: brevitatis autem gratiâ canalem conſiderabimus
cylindricum, & cujus quidem pars, quam ſuperficies aquea non tranſgreditur,
ſit recta.

44. Problema.

Sit nempe canalis cylindricus C E D B (Fig. 20.) cujus pars C E quan-
ta ſufficit eſt recta, reliqua E D B utcunque incurvata; fuerit canalis totus aqua
plenus effluxura per foramen B, perveneritque ſuperficies aquæ ex C in F,
quæritur altitudo reſpondens velocitati aquæ in F.

44.1.

Fig. 20.

45. Solutio.

Ducantur verticalis B H & horizontales C H, F G, A B, ſitque ſinus
anguli H C E ad ſinum totum ut 1 ad g: Jam vero ſi rem recte perpendamus,
videbimus contineri problema præſens in altero generaliori, quod ſuprà pa-
ragrapho 20. tractavimus, ubi habuimus hanc æquationem: v = ξ {mm/nn - 1} ſ - xξ {- mm/nn}

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer