Full text: Bernoulli, Daniel: Hydrodynamica s. de viribus et motibus fluidorum commentarii

9. HYDRODYNAMICÆ
SECTIO SECUNDA,

Quæ agit de fluidis ſtagnantibus eorundemque
æquilibrio tum inter ſe, tum ad alias po-
tentias relato.

Theorema 1.
§. 1.

SUperficies fluidi ſtagnantis horizonti eſt parallela.

10. Demonſtratio.

Contineat vas A B C D (Fig. 1.) fluidum E B C F, cu-
jus ſuperficies E G F, ſi fieri poſſit, horizonti non ſit parallela: conſi-
deretur guttula in loco eminentiori a, quæ gravitate ſua verticaliter
deorſum ſollicitatur vi repræſentata per a c, reſolvatur hæc vis in duas
collaterales a d & a b alteram perpendicularem ad ſuperficiem, alte-
ram quæ tangat illam: Cum autem nihil adſit, quod huic vi poſteriori
reſiſtat, hæc non poteſt non effectum ſuum exerere, ipſamque adeo
guttulam verſus E trahere, quod eſſet contra hypotheſin ſtagnationis, ſeu
ſtatus permanentis: Igitur neceſſe eſt, ut vis tangentialis a b ubique nulla
ſit, quod non aliter contingit, quam cum ſuperficies tota horizonti eſt
parallela. Q. E. D.

10.1.

Fig. 1.

11. Corollarium.

§. 2. Hinc intelligitur veritas propoſitionis generalis, quod nempe
ſuperficies fluidi, cujus partes viribus quibuscunque ſollicitantur, ſe
ita ſemper componat, ut quælibet guttula, in ſuperficie poſita, trahatur
ſub directione, ad ſuperficiem perpendiculari.

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer