Full text: Bernoulli, Daniel: Hydrodynamica s. de viribus et motibus fluidorum commentarii

137. HYDRODYNAMICÆ
SECTIO NONA.
De motu fluidorum, quæ non proprio pondere,
ſed potentia aliena ejiciuntur, ubi præſertim de
Machinis Hydraulicis earundemque ultimo qui da-
ri poteſt perfectionis gradu, & quomodo mecha-
nica tam ſolidorum quam fluidorum ulterius perſici poſsit.

§. 1.

IN hâc ſectione, qua Machinas examinare hydraulicas, uſumque
earum, quantum fieri poteſt, perficere potiſſimum conſtitui,
animum abſtrahemus à variationibus motus, quæ originem du-
cunt à potentia vel inertia fluidi interni, quia ut vidimus mo-
tus aquæ internæ tantum non æquabilis eſt à primo fere fluxus initio, ſi ori-
ficium exile ſit, uti eſt in Machinis hydraulicis plerisque ratione amplitudi-
num internarum. Res enim foret ridicula in rebus practicis ſollicitos eſſe
de mutationibus, quæ primis fluxus momentis fiunt, quasque jam determi-
navimus in ſectione quarta, quod ibi operæ pretium eſſe poterat ut omnis
theoriæ vis inde eluceſceret. Igitur durante toto motu, brevitatis gratiâ, po-
nemus aquam conſtanter velocitate expelli, quæ ſe habeat ut radix potentiæ
internæ prementis, poſtquam hæc potentia ad pondus cylindri aquei foramini
ſuperincumbentis reducta fuerit: nam quæcunque fuerit iſta potentia, con-
ſiderandum erit pondus cylindri verticalis aquei ſuperficiei aqueæ internæ ſu-
perincumbentis, atque altitudo iſtius cylindri dabit altitudinem velocitati
aquæ exilientis debitam, ſi modo nulla adſint obſtacula extrinſeca, & aqua
ex@vaſe ampliſſimo ejiciatur. Hoc ita intelligendum eſt, ut ſi operculum
A B pondere P oneratum (Fig. 45.) aquam per orificium F expellat, pon-
dus autem P æquale ſit ponderi cylindri aquei H A B I, tunc vena aquea F G
altitudinem H I attingere debeat.

137.1.

Fig. 45.

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer