90 
DE ARCHITECTURA 
crificant disparibus altitudinibus ad sui cuiusque dei 
décorem componantur. Altitudines autem earum 
sic sunt explicandae, uti lovi omnibusque coelesti¬ 
bus quam excelsissimae constituantur, Vestae Ma¬ 
trique Terrae humiles collocentur: ita idoneae his 
institutionibus explicabuntur in meditationibus ara 
rum deformationes. 
Explicatis aedium sacrarum compositionibus in 
hoc libro, in sequenti de communium operum redde¬ 
mus distributionibus explicationes. 
LIBER QUINTUS. 
PRAEFATIO. 
Qui amplioribus voluminibus, Imperator, ingenii co¬ 
gitationes praeceptaque explicaverunt, maximas et 
egregias adiecerunt suis scriptis auctoritates; quod 
étiam vel in nostris quoquestudiis res pateretur, ut 
amplificationibus auctoritas et in his praeceptis auge¬ 
retur: sed id non est, quemadmodum putatur, expedi¬ 
tum. Non enim de architectura sic scribitur ut histo¬ 
riae aut poëmata. Historiae per se tenent lectores; 
habent enim novarum rerum varias expectationes; 
poëmaticorum vero carminum metra ac pedes, ac ver¬ 
borum elegans dispositio et sententiarum inter perso¬ 
nas distinctas, et versuum pronunciatio prolectando 
sensus legentium perducit sine offensa ad summam 
scriptorum terminationem. 2. Id autem in archite¬ 
cturae conscriptionibus non potest fieri, quod vocabu¬ 
la ex artis propria necessitate concepta inconsueto 
sermone obiiciunt sensibus obscuritatem. Cum 
ea ergo per se non sint aperta, nec pateant eorum in