LIBER I. CAP. 1. 
enim rebus, tum maxime etiam in architectura haec 
duo insunt, quod significatur et quod significat. Si¬ 
guificatur proposita res de qua dicitur: hanc autem 
significat demonstratio rationibus doctrinarum ex¬ 
ulicata. Quare videtur utraque exercitatus esse de¬ 
bere, qui se architectum profiteatur. Itaque eum et 
ingeniosum esse oportet, et ad disciplinas doeilem; 
neque enim ingenium sine disciplina, aut disciplina 
sine ingenio perfectum artificem potest efficere; et 
ut litteratus sit, peritus graphidos, eruditus geome¬ 
tria, et optices non ignarus, instructus arithmetica, 
historias complures noverit, philosophos diligenter 
audiverit, musicam sciverit, medicinae non sitignarus, 
responsa iuris consultorum noverit, astrologiam coe¬ 
lique rationes cognitas habeat. 4. Quae cur ita sint, 
hae sunt causae. Litteras architectum scire oportet, 
uti commentariis memoriam firmiorem efficere pos¬ 
sit. Deinde graphidos scientiam habere, quo facilius 
exemplaribus pictis quam velit operis speciem defor¬ 
mare valeat. Geometria autem plura praesidia prae¬ 
stat architecturae: et primum euthygrammi et circi¬ 
ni tradit usum, e quo maxime facilius aedificiorum 
in areis expediuntur descriptiones, normarumque et 
librationum et linearum directiones. Item per Opti¬ 
cen in aedificiis ab certis regionibus coeli lumina 
recte ducuntur. Per Arithmeticen vero sumptus ae¬ 
dificiorum consummantur, mensurarum rationes ex¬ 
plicantur : difficilesque quaestiones geometricis ra¬ 
tionibus et methodis inveniuntur. 5. Historias au¬ 
tem plures novisse oportet, quod multa ornamenta 
saepe in operibus architecti designant, de quibus ar¬ 
gumentis rationem, cur fecerint, quaerentibus red¬ 
dere debent. Quem ad modum si quis statuas mar¬ 
moreas muliebres stolatas, quae Caryatides dicun¬ 
tur, pro columnis in opere statuerit, et insuper mu¬ 
tulos et coronas collocaverit, percontantibus ita 
reddet rationem. Carya civitas Peloponnensis cum