42 
DE ARCHITECTURA 
cata, non speciosam sed firmiorem quam reticulata 
praestant structuram. 2. Utraque autem ex minutis¬ 
simis sunt instruenda, uti materia ex calce et arena 
crebriter parietes satiati diutius contineantur. Mol¬ 
li enim et rara potestate cum sint, exsiccant sugendo 
e materia succum: cum autem superarit et abundarit 
copia calcis et arenae, paries plus habens humoris 
non cito fiet evanidus, sed ab his continebitur. Si¬ 
mul autem humida potestas e materia per caemento¬ 
rum raritatem fuerit exucta, calx quoque ab arena 
discedit et dissolvitur, item caementa non possunt 
cum his cohaerere, sed in vetustatem parietes effi¬ 
ciunt ruinosos. 3. Id autem licet animadvertere 
étiam de nonnullis monumentis, quae circa urbem 
facta sunt e marmore seu lapidibus quadratis, intrin¬ 
secusque medio calcata farturis: vetustate evanida 
facta materia, caementorumque exucta raritate, pro¬ 
ruunt et coagmentorum ab ruina dissolutis iuncturis 
dissipantur. 4. Quod si quis noluerit in id vitium 
incidere, medio cavo, servato secundum orthostatas 
intrinsecus, ex rubro saxo quadrato aut ex testa aut 
ex silicibus ordinariis struat bipedales parietes, et 
cum his ansis ferreis et plumbo frontes vinctae sint. 
Ita enim non acervatim sed ordine structum opus po¬ 
terit esse sine vitio sempiternum, quod cubilia et coa¬ 
gmenta eorum inter se sedentia et iuncturis alligata 
non protrudent opus, neque orthostatas inter se reli¬ 
gatos labi patientur. 5. Itaque non est contemnen¬ 
da Graecorum structura: non enim utuntur e mol¬ 
li caemento structura polita, sed cum discesserint a 
quadrato, ponunt de silice seu de lapide duro ordina¬ 
rio, et ita, uti lateritia struentes, alligant eorum al¬ 
ternis choris coagmenta, et sic maxime ad aeterni¬ 
tatem firmas perficiunt virtutes. Haec autem duobus 
generibus struuntur: ex his unum isodomum, alterum 
pseudisodomum appellatur. 6. Isodomum dicitur, 
cum omnia choria aequa erassitudine fuerint structa: