218 
DE ARCHITECTURA 
quatuor, duos transversarios interpositos duobus 
longis, quanta longitudo scapi fuerat, complectit et 
compegit, et férreos cnodaces uti subscudes in capi¬ 
tibus scaporum implumbavit et armillas in materia ad 
cnodaces circumdandos infixit, item buculis iligneis 
capita religavit. Cnodaces autem in armillis inclusi 
liberam habuerunt versationem tantam, uti cum bo¬ 
ves ducerent subiuncti, scapi versando in cnodacibus 
et armillis sine fine volverentur. 12. Cum autem 
scapos omnes ita vexissent, et instarent epistyliorum 
vecturae, filius Chersiphronis Metagenes transtulit 
eam rationem e scaporum vectura etiam in epistyli¬ 
orum deductione. Fecit enim rotas circiter pedum 
duodenum, et epistyliorum capita in medias rotas in¬ 
clusit; eadem ratione cum cnodaces et armillas in 
capitibus inclusit. Ita cum trientes a bubus duce¬ 
rentur, in armillis inclusi cnodaces versabant rotas 
epistylia vero inclusa uti axes in rotis eadem ratione 
qua scapi sine mora ad opus pervenerunt. Exem¬ 
plar autem erit eius, quemadmodum in palaestris cy¬ 
lindri exaequant ambulationes. Neque hoc potuisset 
fieri, nisi primum propinquitas esset: non enim plus 
sunt ab lapidicinis ad fanum quam millia pedum octo: 
nec ullus est clivus, sed perpetuus campus. 13. No¬ 
stra vero memoria cum colossici Apollinis in fano 
basis esset a vetustate defracta, et metuentes ne 
caderet ea statua et frangeretur, locaverunt ex eis¬ 
dem lapidicinis basim excidendam. Conduxit qui¬ 
dam Paeonius. Haec autem basis erat longa pedes 
duodecim, lata pedes octo, alta pedes sex: quam 
Paeonius gloria fretus non uti Metagenes apportavit, 
sed eadem ratione alio genere constituit machinam 
facère. 14. Rotas enim circiter pedum quindecim 
fecit, et in his rotis capita lapidis inclusit: deinde 
circa lapidem fusos sextantales ab rota ad rotam ad 
circinum compegit ita, uti fusus a fuso non distaret 
pedem nisi unum. Deinde circa fusos funem invol¬