Full text: Vitruvius: Marci Vitruvii Pollionis De architectura libri decem

175 
LIBER VIII. CAP. III. 
lis potestatem temperarentur. 14. Sunt enim Boeo¬ 
tiae flumina Cephisos et Melas, Lucaniae Crathis, 
Troiae Xanthus, inque agris Clazomeniorum et Ery¬ 
thraeorum et Laodicensium fontes ac fluminà, cum 
pecora suis temporibus anni parantur ad conceptio¬ 
nem partus, per id tempus adiguntur eo quotidie po¬ 
tum, ex eoque, quamvis sint alba, procreant aliis lo¬ 
cis leucophaea, aliis locis pulla, aliis coracino colo¬ 
re. Ita proprietas liquoris, cum init in corpus, 
proseminat intinctam sui cuiusque generis qualita¬ 
tem. Igitur quoniam in campis Troianis proxime 
flumen armenta rufa et pecora leucophaea nascun¬ 
tur, ideo id flumen Ilienses Xanthum appellavisse 
dicuntur. 15. Etiamque inveniuntur aquae genera 
mortifera, quae per maleficum succum terrae per¬ 
currentia recipiunt in se vim venenatam, uti fuisse 
dicitur Terracinae fons, qui vocabatur Neptunius; 
ex quo qui biberant imprudentes vita privabantur: 
quapropter antiqui eum obstruxisse dicuntur. Et 
Chrobsi Thraciae lacus, ex quo non solum qui bibe¬ 
rint moriuntur, sed etiam qui laverint: item in Thes¬ 
salia fons est profluens, ex quo fonte nec pecus ul¬ 
lum gustat nec bestiarum genus ullum propius ac¬ 
cedit; ad quem fontem proxime est arbor florens 
purpureo colore. 16. Non minus in Macedonia, quo 
loci sepultus est Euripides, dextra ac sinistra monu¬ 
menti advenientes duo rivi concurrunt in unum, e 
quibus ad unum accumbentes viatores pransitare so¬ 
lent propter aquae bonitatem; ad rivum autem, qui 
est ex altera parte monumenti, nemo accedit, quod 
mortiferam aquam dicitur habere. Item est in Ar¬ 
cadia Nonacris nominata terrae regio quae habet in 
montibus e saxo stillantes frigidissimos humores. 
Haec autem aqua Zyos g nominatur, quam ne¬ 
que argenteum neque aeneum nèque ferreum vas 
potest sustinere, sed dissilit et dissipatur; conser¬ 
vare autem eam et continere nihil aliud potest nisi
	        
Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer