115
LIBER V. CAP. XII.
ciendum, uti arcae duplices relatis tabulis et catenis
colligatae in eo loco, qui finitus erit, constituantur,
et inter destinas creta eronibus ex ulva palustri factis -
calcetur. Cum ita bene calcatum et quam densissime -
fuerit, tunc cochleis, rotis, tympanis collocatis, -
locus qui in ea septione finitus fuerit, exinaniatur -
sicceturque, et ibi inter septiones fundamenta -
fodiantur. Si terrena erunt, usque ad solidum
crassiora quam qui murus supra futurus erit exinaniatur, -
sicceturque, et tunc structura ex caementis
calce et arena compleatur. 6. Sin autem mollis locus -
erit, palis ustulatis alneis aut oleagineis aut robusteis -
configatur, et carbonibus compleatur, quemadmodum -
in theatrorum et muri fundationibus est
scriptum. Deinde tunc quadrato saxo murus ducatur -
juncturis quam longissimis, uti maxime medii
lapides coagmentis contineantur. Tunc qui locus
erit inter murum, ruderatione sive structura compleatur. -
Ita erit, uti possit turris insuper aedificari.
7. His perfectis, navaliorum ea erit ratio, ut constituantur -
spectantia maxime ad septentrionem; nam
meridianae regiones propter aestus cariem, tineam,
teredines, reliquaque bestiarum nocentium genera
procreant alendoque conservant: eaque aedificia
minime sunt materianda propter incendia. De magnitudine -
autem finitio nulla debet esse, sed faciunda -
ad maximum navium modum, uti, etsi maiores
naves subductae fuerint, habeant cum laxamento ibi
collocationem.
Quae necessaria ad utilitatem in civitatibus publicorum -
locorum succurrere mihi potuerunt, quemadmodum -
constituantur et perficiantur, in hoc volumine -
scripsi: privatorum autem aedificiorum utilitates -
et eorum symmetrias in sequenti volumine ratiocinabor. -
H3
