108 
DE ARCHITECTURA 
quam exteriores, sed aut lonico aut Corinthio genere 
deformentur. 3. Columnarum autem proportiones 
et symmetriae non erunt iisdem rationibus, quibus 
in aedibus sacris scripsi. Aliam enim in deorum 
templis debent habere gravitatem, aliam in portici¬ 
bus et ceteris operibus subtilitatem. Itaque si Dori¬ 
ci generis erunt columnae, dimetiantur earum alti¬ 
tudines cum capitulis in partes quindecim, et ex eis 
partibus una constituatur et fiat modulus; ad cuius 
moduli rationem omnis operis erit explicatio; et in 
imo columnae crassitudo fiat duorum modulorum: 
intercolumnium quinque et moduli dimidia parte: 
altitudo columnae praeter capitulum quatuordecim 
modulorum: capituli altitudo moduli unius, latitudo 
modulorum duorum et moduli sextae partis: ceteri 
operis modulationes, uti in aedibus sacris in libro 
quarto scriptum est, ita perficiantur. 4. Sin autem 
lonicae columnae fient, scapus praeter spiram et ca 
pitulum in octo partes et dimidiam dividatur, et ex 
his una crassitudini columnae detur: spira cum plin¬ 
tho dimidia crassitudine constituatur: capituli ratio 
ita fiat, uti in tertio libro est demonstratum. Si Co¬ 
rinthia erit, scapus et spira, uti in lonica, capitulum 
autem, quemadmodum in quarto libro est scriptum, 
ita habeat rationem: stylobatisque adiectio, quae fit 
per scamillos impares, ex descriptione, quae supra 
scripta est in libro tertio, sumatur: epistylia, coro¬ 
nae, ceteraque omnia ad columnarum rationem ex 
scriptis voluminum superiorum explicentur. 5. Me¬ 
dia vero spatia, quae erunt sub divo inter porticus, 
adornanda viridibus videntur, quod hypaethrae am¬ 
bulationes habent magnam salubritatem, et primum 
oculorum, quod ex viridibus subtilis et extenuatus 
aer propter motionem corporis influens perlimat 
spéciem, et ita auferens ex oculis humorem crassum 
aciem tenuem et acutam speciem relinquit. Praeter¬ 
ea cum corpus motionibus in ambulatione calescat,