430
VITRUVIUS. LIB. X.
Trutinarum vero librarumque ponderibus examinatio
réperta, vindicat ab iniquitate justis moribus vitam ;
non minusque sunt innumerabili modo rationes machinationum; -
de quibus non necesse videtur disputare,
quoniam sunt ad manum quotidianae, ut sunt rotae,
folles fabrorum 14, rhedae, cisia, torni, ceteraque quae
communes ad usum consuetudinibus habent opportunitates. -
Itaque incipiemus de his, quae raro veniunt ad
manus, ut nota sint, explicare.
II. De machinis tractoriis.
Primumque instituemus de his, quæ ædibus sacris
ad operumque publicorum perfectionem necessitate
comparantur, quae fiunt ita. Tigna tria 15 ad onerum
magnitudinem ratione expediuntur, a capite fibula conjuncta -
et in imo divaricata eriguntur, funibus in capitibus -
collocatis et circa dispositis erecta retinentur :
alligatur in summo trochlea 16, quem etiam nonnulli
rechamum dicunt '7. In trochleam induntur orbiculi
duo per axiculos versationes habentes; per orbiculum
summum trajicitur ductarius funis, deinde demittitur
et traducitur circa orbiculi imum trochleae inferioris,
refertur autem ad orbiculum imum trochleae superioris,
et ita descendit ad inferiorem, et in foramine ejus religatur; -
altera pars funis refertur inter imas machinae partes.
In quadris autem tignorum posterioribus, quo loci
sunt divarieata, figuntur chelonia, in quae conjiciuntur
sucularum capita, ut faciliter axes versentur. Eae suculae
proxime capita habent foramina bina ita temperata, ut
