334
VITRUVIUS.  LIB.  IX.
cinationem,  celerius  percurrere  videntur,  quod  quae
cumque  earum  minorem  circinationem  peragens,  saepius
subiens  præterit  superiorem.
Quemadmodum  si  in  rota,  qua  figuli  utuntur,  impositæ -
  fuerint  septem  formicae,  canalesque  totidem  in  rota
facti  sint  circum  centrum  in  imo  accrescentes  ad  extremum, -
  in  quibus  hae  cogantur  circinationem  facere,
verseturque  rota  in  alteram  partem,  necesse  erit  eas
contra  rota  versationem  nihilominus  adversa  itinera
perficère,  et  qua  proximum  centrum  habuerit  celerius
pervagari,  quaque  extremum  orbem  rotae  peraget,
etiainsi  aque  celeriter  ambulet,  propter  magnitudinem
circinationis,  multo  tardius  perficere  cursum  :  similiter
astra  nitentia  contra  mundi  cursum,  suis  itineribus  perficiunt -
  circuitum,  sed  cœli  versatione  redundationibus
referuntur  quotidiana  temporis  circulatione.
Esse  autem  alias  stellas  temperatas,  alias  ferventes,
etiainque  frigidas,  haec  esse  causa  videtur,  quod  omnis
ignis  in  superiora  loca  habet  scandentem  flammam,
Ergo  sol  æthera,  qui  est  supra  se,  radiis  exurens  efficit
candentem,  in  quibus  locis  habet  cursum  Martis  stella:
itaque  fervens  ab  ardore  solis  efficitur.  Saturni  autem,
quod  est  proxima  extremo  mundo,  tangitque  congelatas
cœli  regiones,  vehementer  est  frigida.  Ex  eo  Jovis
quum  inter  utriusque  circuitiones  habeat  cursum,  a
refrigeratione  caloreque  eorum  medio,  convenientes
temperatissimosque  habere  videtur  effectus.
De  zona  duodecim  signorum  41  et  septem  astrorum
contrario  opere  ac  cursu,  quibus  rationibus  et  numeris