VITRUVIUS. LIB. VI.
28
dantes restagnant, et intestinum opus et pariètes in eis
generibus ædificiorum corrumpunt. Testudinata vero 2
ibi fiunt, ubi non sunt impetus magni, et in contignationibus -
supra spatiosae redduntur habitationes.
Atriorum vero longitudines 22 et latitudines tribus
generibus formantur: et primum genus distribuitur, uti
longitudo quum in quinque partes divisa fuerit, tres partes -
latitudini dentur. Alterum quum in tres partes dividatur, -
duæ partes latitudini tribuantur. Tertium, uti
latitudo in quadrato paribus lateribus describatur, inque -
eo quadrato diagonios linea ducatur, et quantum
spatium habuerit ea linea diagonios, tanta longitudo
atrio detur.
Altitudo eorum, quanta longitudo fuerit, quarta
dempta, sub trabes extollatur, reliquum lacunariorum 23
et arcæ supra trabes ratio habeatur. Alis dextra ac sinistra -
latitudo, quum sit atrii longitudo ab triginta pedibus -
ad pedes quadraginta, ex tertia parte 24 ejus constituatur. -
Ab quadraginta ad pedes quinquaginta longitudo
dividatur in partes tres et dimidiam : ex his una pars
alis detur. Quum autem erit longitudo ab quinquaginta
pedibus ad sexaginta, pars quarta longitudinis alis tribuatur. -
Ab pedibus sexaginta ad octoginta longitudo
dividatur in partes quatuor et dimidiam: ex his una pars
fiat alarum latitudo. Ab pedibus octoginta ad pedes centum, -
in quinque partes divisa longitudo, justam constituerit -
latitudinem alarum. Trabes earum liminares 25 ita
altæ ponantur, ut altitudines latitudinibus sint æquales.
Tablino 26, si latitudo atrii erit pedum viginti, dempta
