252 
VITRUVIUS. LIB. VIII. 
tutem, uti calculos in vesicis qui nascuntur in corpori¬ 
bus hominum, potionibus discutiant. 
Fieri autem hoc naturaliter ideo videtur, quod acer 
et acidus succus 33 subest in ea terra, per quam egre¬ 
dientes vena intinguntur acritudine, et ita quum in 
corpus inierunt, dissipant qua ex aquarum subsidentia 
in corporibus et concrescentia offenderunt. Quare autem 
discutiantur ex acidis eæ res, sic possumus animadver¬ 
tere. Ovum in aceto si diutius positum fuerit, cortex 
ejus mollescet et dissolvetur : item plumbum, quod est 
lentissimum et gravissimum, si in vase collocatum fuerit, 
et in eo acetum suffusum, id autem opertum et oblitum 
si crit, efficietur, uti plumbum dissolvatur et fiat cerussa. 
Eisdem rationibus as, quod etiam solidiore est na¬ 
tura, similiter curatum si fuerit, dissipabitur et fiet 
ærugo. Item margarita, non minus saxa silicea 54, quae 
nèque ferrum neque ignis potest per se dissolvere, quum 
ab igni sunt percalefacta, aceto sparso dissiliunt et 
dissolvuntur. Ergo quum has res ante oculos ita fieri 
videamus, ratiocinemur iisdem rationibus ex acidis 
propter acritudinem succi etiam calculosos e natura re¬ 
rum similiter posse curari. 
Sunt autem etiam fontes uti vino mixti, quemadmo¬ 
dum est unus Paphlagoniæ, ex quo, etiain sine vino, 
potantes fiunt temulenti. Æquiculis autem in Italia et in 
Alpibus natione Medullorum est genus aquae, quam qui 
bibunt efficiuntur turgidis gutturibus. 
In Arcadia vero civitas est non ignota Clitoris, in 
cujus agris est spelunca profluens aqua 55, quam qui 
biberint liunt abstemii. Ad eum autem fontem epigramma