VITRUVIUS. LIB. VII.
126
fuerit inducta habens latentes crudos calculos, pustulas -
emittit, quia calculi in opere, uno tenore quum non
permacerantur, dissolvunt et dissipant tectori politiones. -
Quum autem habita erit ratio macerationis, et
id curiosius opère præparatum erit, sumatur ascia, et
quemadmodum materia dolatur, sic calx in lacu macerata -
ascietur 34. Si ad eam offenderint calculi, non erit
temperata: quumque siccum et purum ferrum educetur,
indicabit eam evanidam et siticulosam; quum vero pinguis -
fuerit et recte macerata, circa id ferramentum uti
glutinum hæerens, omni ratione probabit se esse temperatam. -
Tunc autem machinis comparatis camerarum
dispositiones in conclavibus expediantur, nisi lacunariis
ea fuerint ornata 35
III. De camerarum dispositione, albario et tectorio opere.
Quum ergo camerarum postulabitur ratio 36, sic erunt
faciundæ. Asseres directi disponantur 37 inter se, ne plus
spatium habentes pedes binos, et hi maxime cupressini;
quod abiegni ab carie et ab vetustate celeriter vitiantur:
hique asseres quum ad formam circinationis fuerint distributi, -
catenis dispositis 38, ad contignationes, sive
tecta erunt, crebriter clavis ferreis fixi religentur: eaeque
catenæ ex ea materia comparentur, cui nec caries 39, nec
vetustas, nec humor possit nocere, id est e buxo, junipero, -
olea, robore, cupresso céterisque similibus præeter
quercum, quod ea se torquendo rimas faciat quibus
inest operibus.
