VITRUVIUS.  LIB.  VII.
124
pavimentum  e  tessera  grandi  circiter  binum  digitum
cæsa  struatur,  fastigium  habens  in  pedes  denos  digitos
binos;  quod,  si  bene  temperabitur  et  recte  fricatum
fuerit,  ab  omnibus  vitiis  erit  tutum.  Uti  autem  inter
coagmenta  materies  ab  gelicidiis  ne  laboret,  fracibus
quotannis  ante  hiemem  saturetur3  ;  ita  non  patietur  in
se  recipere  gelicidii  pruinam.  Sin  autem  curiosius  videbitur -
  fieri  oportere,  tegulæe  bipedales  inter  se  coagmentatæ -
  supra  rudus  substrata  materia  collocentur,
habentes  singulis  coagmentorum  frontibus  excisos  canaliculos -
  digitales,  quibus  junctis  impleantur  calce  ex  oleo
subacta,  confricenturque  inter  se  coagmenta  compressa.
Ita  calx  qua  erit  hæerens  in  canalibus,  durescendo  non
patietur  aquam  neque  aliam  rem  per  coagmenta  transire.
Quum  ergo  fuerit  hoc  ita  perstratum,  supra  nucleus
inducatur,  et  virgis  cædendo  subigatur  :  supra  autem
sive  ex  tessera  grandi,  sive  ex  spica  testacea  struantur
fastigiis,  quibus  est  supra  scriptum;  et,  quum  sic  erunt
facta,  non  cito  vitiabuntur.
II.  De  maceratione  calcis  ad  albaria  opera  perficienda.
Quum  a  pavimentorum  cura  discessum  fuerit,  tunc
de  albariis  operibus  32  est  explicandum.  Id  autem  erit
recte,  si  glebae  calcis  optimae  ante  multo  tempore,  quam
opus  fuerit,  macerabuntur  33;  uti,  si  qua  gleba  parum
fuerit  in  fornace  cocta,  in  maceratione  diuturna  liquore
défervere  coacta  uno  tenore  concoquatur.  Namque
quum  non  penitus  macerata  sed  recens  sumitur,  quum