VITRUVIUS.  LIB.  I.
52
nes  sunt  tres,  e  quibus  una  est  defensionis,  altera  religionis, -
  tertia  opportunitatis.  Defensionis,  est  murorum  turriumque -
  et  portarum  ratio  ad  hostium  impetus  perpetuo
repellendos  excogitata.  Religionis,  deorum  immortalium
fanorum  aediumque  sacrarum  collocatio.  Opportunitatis,
communium  locorum  ad  usum  publicum  dispositio,  uti
portus,  fora,  porticus,  balnea,  theatra,  inambulationes, -
  ceteraque  quae  iisdem  rationibus  in  publicis  designantur -
  locis.
Hæc  autem  ita  fieri  debent,  ut  habeatur  ratio  firmitatis, -
  utilitatis,  venustatis.  Firmitatis  erit  habita  ratio
quum  fuerit  fundamentorum  ad  solidum  depressio,  et
ex  quaque  materia  copiarum  sine  avaritia  diligens  electio.
Utilitatis  autem,  emendata  et  sine  impeditione  usus  locorum -
  dispositio,  et  ad  regiones  sui  cujusque  generis
apta  et  commoda  distributio.  Venustatis  vero,  quum
fuerit  operis  species  grata  et  elegans,  membrorumque
commensus  justas  habeat  symmetriarum  ratiocinationes.
IV.  De  electione  locorum  salubrium.
In  ipsis  vero  moenibus  ea  erunt  principia.  Primum
electio  loci  saluberrimi.  Is  autem  erit  excelsus  et  non
nebulosus,  non  pruinosus,  regionesque  coli  spectans
neque  astuosas,  neque  frigidas,  sed  temperatas;  deinde
si  evitabitur  palustris  vicinitas.  Quum  enim  aurae  matutina -
  cum  sole  oriente  ad  oppidum  pervenient,  et  iis
ortæ  nebulæ  adjungentur,  spiritusque  bestiarum  palustrium -
  venenatos  ?2  cum  nebula  mixtos  73  in  habitato¬