510
VITRUVIUS.  LIB.  V.
turresque  ex  utraque  parte  collocandae,  ex  quibus  catena -
  traduci  per  machinas  possint.
Sin  autem  non  naturalem  locum  neque  idoneum  ad
tuendas  ab  tempestatibus  naves  habuerimus,  ita  videtur
esse  faciendum,  uti  si  nullum  flumen  in  his  locis  impedierit -
  128,  sed  erit  ex  una  parte  statio  129,  tunc  ex  altera
parte  structuris  sive  aggeribus  expediantur  progressus,
et  ita  conformandae  portuum  conclusiones.  Eae  autem
structuræ,  qua  in  aqua  sunt  futura,  videntur  sic  esse
faciendæ,  uti  portetur  pulvis  a  regionibus,  quae  sunt  a
Cumis  continuatæ  ad  promontorium  Minervæ,  isque
misceatur  uti  in  mortario  duo  ad  unum  respondeant.
Deinde  tunc  in  eo  loco,  qui  definitus  erit,  arca  stipitibus -
  robusteis  et  catenis  inclusae  130  in  aquam  demittendæ -
  destinandæque  firmiter;  deinde  inter  eas  ex  transtillis -
  inferior  pars  sub  aqua  exaequanda  et  purganda,
et  caementis  ex  mortario  materia  mixta,  quemadmodum
supra  scriptum  est,  ibi  congerendum,  donicum  compleatur -
  structurae  spatium,  quod  fuerit  inter  arcas.  Sin
autem  propter  fluctus  aut  impetus  aperti  pelagi  destinae
arcae  non  potuerint  contineri,  tunc  ab  ipsa  terra  sive  crepidine -
  pulvinus  131  quam  firmissime  struatur,  isque  pulvinus -
  exaequata  struatur  planitie  minus  quam  dimidiae
partis;  reliquum,  quod  est  proxime  litus,  proclinatum
latus  habeat.
Deinde  ad  ipsam  aquam  et  latera  pulvino  circiter  sesquipedales -
  margines  struantur  æquilibres  ei  planitiae,
qua  supra  scripta  est.  Tunc  proclinatio  ea  impleatur
arena,  et  exæquetur  cum  margine  et  planitia  pulvini;