VITRUVIUS. LIB. V.
496
erunt iisdem rationibus, quibus in aedibus sacris scripsi.
Aliam enim in deorum templis debent habere gravitatem, -
aliam in porticibus et ceteris operibus subtilitatem.
Itaque si Dorici generis erunt columnæ, dimetiantur
earum altitudines cum capitulis in partes quindecim
et ex eis partibus una constituatur et fiat modulus; ad
cujus moduli rationem omnis operis erit explicatio; et
in imo columnae crassitudo fiat duorum modulorum;
intercolumnium quinque et moduli dimidia parte; altitudo -
columnae præeter capitulum quatuordecim modulorum; -
capituli altitudo moduli unius, latitudo modulorum -
duorum et moduli sextae partis. Ceteri operis
modulationes, uti in aedibus sacris in libro quarto
scriptum est, ita perficiantur.
Sin autem lonicæ columnæ fient, scapus præeter spiram -
et capitulum in octo partes et dimidiam dividatur,
et ex his una crassitudini columnæ detur; spira cum
plintho dimidia crassitudine constituatur; capituli ratio
ita fiat, uti in tertio libro est demonstratum. Si Corinthia -
erit, scapus et spira, uti in lonica; capitulum
autem, quemadmodum in quarto libro est scriptum,
ita habeat rationem; stylobatisque adjectio, quae fit per
scamillos impares, ex descriptione, qua supra scripta
est in libro tertio, sumatur; epistylia, coronae, ceteraque
omnia ad columnarum rationem ex scriptis voluminum
superiorum explicentur.
Media vero spatia, qua erunt sub divo inter porticus,
adornanda viridibus videntur, quod hypaethrae ambulationes -
habent magnam salubritatem, et primum oculorum, -
quod ex viridibus subtilis et extenuatus aer propter
motionem corporis influens perlimat speciem, et ita au¬
