VITRUVIUS.  LIB.  V.
182
sonare.  Hoc  vero  licet  animadvertere  etiam  à  citharoedis,
qui-superiore  tono  quum  volunt  canere,  advertunt  se  ad
scenæ  valvas,  et  ita  recipiunt  ab  earum  auxilio  consonantiam -
  vocis.  Quum  autem  ex  solidis  rebus  theatra
constituuntur,  id  est  ex  structura  cæementorum,  lapide,
marmore,  quae  sonare  non  possunt,  tunc  ex  his  hac  ratione -
  sunt  explicanda.
Sin  autem  quaeritur,  in  quo  theatro  ea  sint  facta,  Romae
non  possum  ostendere;  sed  in  Italiae  regionibus  et  in  pluribus -
  Graecorum  civitatibus:  etiamque  auctorem  habemus -
  L.  Mummium,  qui  diruto  theatro  Corinthiorum
ejus  ænea  Romam  deportavit,  et  de  manubiis  ad  aedem
Lunæ  dedicavit.  Multi  autem  solertes  architecti,  qui  in
oppidis  non  magnis  theatra  constituerunt,  propter  inopiam -
  fictilibus  doliis  ita  sonantibus  electis,  hac  ratiocinatione -
  compositis  perfecerunt  utilissimos  effectus.
VI.  De  conformatione  theatri  facienda.
Ipsius  autem  theatri  conformatio  ?  sic  est  facienda,
uti  quam  magna  futura  est  perimetros  imi  72,  centro  medio -
  collocato  circumagatur  linea  rotundationis,  in  eaque
quatuor  scribantur  trigona?3  paribus  lateribus  et  intervallis, -
  quae  extremam  lineam  circinationis  tangant:  quibus -
  etiam  in  duodecim  signorum  coelestium  descriptione
astrologi,  ex  musica  convenientia  astrorum,  ratiocinantur. -
  Ex  his  trigonis  cujus  latus  fuerit  proximum  scenae
ea  regione,  qua  præcidit  curvaturam  circinationis,  ibi