VITRUVIUS. LIB. IV. 
374 
intercolumnia 19°, pteromatos spatio sublati efficiunt am¬ 
plum laxamentum cellae: reliqua autem proportionibus 
et symmetriis iisdem conservantes aliud genus figurae no¬ 
minisque videntur pseudoperipterum procreavisse. Hæec 
autem genera propter usum sacrificiorum convertuntur. 
Non enim omnibus diis iisdem rationibus æedes sunt fa 
ciendæe; quod alius alios, varietate sacrorum, religio¬ 
num habet effectus. 
Omnes ædium sacrarum ratiocinationes, uti mihi tra¬ 
ditæ sunt, exposui, ordinesque et symmetrias earum 
partitionibus distinxi; et quarum dispares sunt figurae, 
et quibus discriminibus inter se sunt disparatæe, quoad 
potui significare scriptis, exposui. Nunc de aris deorum 
immortalium, uti aptam constitutionem habeant ad sa¬ 
crificiorum rationem, dicam. 
IX. De aris deorum ordinandis. 
Aræ 191 spectent ad orientem, et semper inferiores 
sint collocatæ quam simulacra, quæ fuerint in æde; 
uti suspicientes divinitatem qui supplicant et sacri¬ 
ficant disparibus altitudinibus ad sui cujusque dei de¬ 
corem 192 componantur. Altitudines autem earum sie 
sunt explicandæ, uti Jovi omnibusque cœlestibus quam 
excelsissimæ constituantur; Vestæ, Terræ Marique '93 
humiles collocentur : ita idoneae his institutioni¬ 
bus explicabuntur in mediis aedibus ararum deforma¬ 
tiones. 
Explicatis ædium sacrarum compositionibus in hoc 
libro, in sequenti de communium operum reddemus 
distributionibus explicationes.