VITRUVIUS.  LIB.  I.
30
quo  facilius  exemplaribus  pictis  quam  velit  operis  speciem -
  deformare  valeat.  Geometria  autem  plura  praesidia
præstat  architectura  :  et  primum  euthygrammi  et  circini
tradit  usum,  è  quo  maxime  facilius  aedificiorum  in  areis  expediuntur -
  descriptiones,  normarumque  et  librationum  et
linearum  directiones.  Item  per  opticen  in  aedificiis  ab  certis
regionibus  cœeli  lumina  recte  ducuntur.  Per  arithmeticen
vero  sumptus  ædificiorum  consummantur,  mensurarum
rationes  explicantur,  difficilesque  symmetriarum  quaestiones -
  geometricis  rationibus  et  methodis  inveniuntur.
Historias  autem  plures  novisse  oportet,  quod  multa
ornamenta  sæpe  in  operibus  architecti  designant,  de
quibus  argumentis  rationem,  cur  fecerint,  quaerentibus
reddere  debent.  Quemadmodum  si  quis  statuas  marmoreas -
  muliebres  stolatas  15,  quæ  caryatides  1e  dicuntur, -
  pro  columnis  in  opere  statuerit,  et  insuper  mutulos -
  et  coronas  collocaverit,  percontantibus  ita  reddet
rationem.  Carya  civitas  7  Peloponnensis  cum  Persis
hostibus  contra  Græciam  consensit  :  postea  Græci  per
victoriam  gloriose  bello  liberati,  communi  consilio
Caryatibus  bellum  indixerunt.  Itaque  oppido  capto,
viris  interfectis,  civitate  deleta,  matronas  eorum  in
servitutem  abduxerunt;  nec  sunt  passi  stolas  neque
ornatus  matronales  deponere,  ûti  non  uno  triumpho
ducerentur,  sed  æterno  servitutis  exemplo,  gravi  contumelia -
  pressæ,  pœenas  pendere  viderentur  pro  civitate.
Ideo  qui  tunc  architecti  fuerunt,  aedificiis  publicis
designaverunt  earum  imagines  oneri  ferendo  collocatas, -
  ut  etiam  posteris  nota  pœna  peccati  Caryatium
memoriæ  traderetur.