VITRUVIUS. LIB. II.
178
rum consuetudinem et suavitatem sua voluntate reducebantur. -
Ergo ea aqua non impudico morbi vitio, sed
humanitatis dulcedine mollitis animis barbarorum, eam
famam est adepta.
Relinquitur nunc, quoniam ad explicationem moenium -
eorum sum invectus, tota, uti sunt, definiam.
Quemadmodum enim in dextra parte fanum est Veneris
et fons supra scriptus, ita in sinistro cornu regia domus, -
quam rex Mausolus ad suam rationem collocavit.
Conspicitur enim ex ea ad dextram partem forum et
portus moniumque tota finitio; sub sinistra secretus
sub montibus latens portus ita, ut nemo possit quid in
eo geratur aspicere nec scire : ut rex ipse de sua domo
remigibus et militibus sine ullo sciente quae opus essent
imperaret.
Itaque post mortem Mausoli, Artemisia uxore ejus
regnante, Rhodii indignantes mulierem imperare civitatibus -
Cariæ totius, armata classe profecti sunt, ut id
regnum occuparent. Tunc Artemisia quum esset id renuntiatum, -
in eo portu abstrusam classem, celatis remigibus -
et epibatis, comparavit; reliquos autem cives
in muro esse jussit. Quum autem Rhodii ornatam classem -
in portum majorem exposuissent, plausum jussit ab
muro his dare pollicerique se oppidum tradituros: qui
