258 
M. VITRUVII POLLIONIS 
exsilivit gaudio motus de solio, & nudus va¬ 
dens domum versus, significabat clara voce in¬ 
venisse quod quaereret. Nam currens identidem 
Graece clamabat α, ci. Tum vero ex eo 
inventionis ingressu duas dicitur fecisse massas 
aequo pondere, quo etiam fuerat corona, unam 
ex auro, alteram ex argento. Cum ita fecisset, 
vas amplum ad summa labra implevit aqua, in 
quo demisit argenteam massam. Cuius quanta 
magnitudò in vase depressa est, tantum aquae 
effluxit. Ita exempta massa, quanto minus fa¬ 
ctum fuerat refudit, sextario mensus, ut eodem 
modo, quo prius fuerat, ad labra aequaretur. 
Ita ex eo invenit, quantum ad certum pondus 
argenti certa aquae mensura responderet. Cum 
id expertus esset, tum auream massam similiter 
pleno vase demisit, & ea exempta, eadem ra¬ 
tione mensura addita, invenit ex aqua non tan¬ 
tum defluxisse, sed tantum minus, quantum 
minus magno corpore eodem pondere auri mas¬ 
sa esset quam argenti. Postea vero repleto vase 
in eadem aqua ipsa corona demissa, invenit plus 
aquae defluxisse in coronam, quam in auream 
eodem pondere massam: & ita ex eo quod plus 
defluxerat aquae in corona, quam in massa, 
ratiocinatus, deprehendit argenti in auro mix 
tionem, & manifestum furtum redemptoris. 
Transferatur mens ad Archytae Tarentini & Era¬ 
toithenis Cyrenaei cogitata: hi enim multa & 
grata a mathematicis rebus hominibus invene¬ 
runt. Itaque, cum in ceteris inventionibus fue¬