242 M. VITRUVII POLLIONIS 
CAPUT IV. 
De proprietate item nonnullorum locorum & fontium. 
Sunt etiam nonnullis locis fontium proprie¬ 
tates, quae procreant qui ibi nascuntur egre¬ 
giis vocibus ad cantandum, uti Tarso, Magne¬ 
siae, aliisque eiusmodi regionibus. Etiamque Za¬ 
ma est civitas Afrorum, cuius moenia rex Iuba 
duplici muro sepsit, ibique regiam sibi domum 
constituit. Ab ea millia passuum viginti est op¬ 
pidum Ismuc, cuius agrorum regiones incredi¬ 
bili finitae sunt terminatione. Cum esset enim 
Africa parens & nutrix ferarum bestiarum, ma¬ 
xime serpentium, in eius agris oppidi nulla na¬ 
scitur, & si quando allata ibi ponatur, statim 
moritur: neque id solum ibi, sed etiam terra 
ex his locis, si alio translata fuerit, similiter ef¬ 
ficit. Id genus terrae etiam Balearibus dicitur 
esse; sed aliam mirabiliorem virtutem ea habet 
terrà, quam ego sic accepi. C. Iulius, Masin¬ 
thae filius, cuius erant totius oppidi agrorum 
possessiones, cum patre Caesare militavit. Is 
hospitio meo est usus: ita quotidiano convictu 
necelse fuerat de philologia disputare. Interim 
cum esset inter nos de aquae potestate & eius 
virtutibus sermo, exposuit esse in ea terra eius¬ 
modi fontes, ut qui ibi procrearentur, voces 
ad cantandum egregias haberent. Ideoque sem¬ 
per transmarinos catastos emere formosos & puel¬ 
las maturas, eosque coniungere, ut, qui nasce¬ 
rentur ex his, non solum egregia voce, sed et¬