M. VITRUVII POLLIONIS 
124 
aliae, sed eaedem sunt proportiones. Cellae enim 
longitudines duplices sunt ad latitudines, & uti 
reliqua ex his: omnia, quae solent esse in fron¬ 
tibus, ad latera sunt translata. Nonnulli etiam 
de Tuscanicis generibus sumentes columnarum 
dispositiones, transferunt in Corinthiorum & lo¬ 
nicorum operum ordinationes. Quibus enim lo¬ 
cis pronao procurrunt antae, in iisdem e regio¬ 
ne cellae parietum columnas binas collocantes 
efficiunt Tuscanicorum & Graecorum operum 
communem ratiocinationem. Alii vero removen¬ 
tes parietes aedis, & applicantes ad intercolum¬ 
nia pteromatos, spatio parietis sublati efficiunt 
amplum laxamentum cellae. Reliqua autem pro¬ 
portionibus & symmetriis isdem conservantes 
aliud genus figurae nominisque videntur Pseu¬ 
doperipterum procreavisse. Haec autem genera 
propter usum sacrificiorum convertuntur. Non 
enim omnibus Diis iisdem rationibus aedes sunt 
faciendae, quod alius alios, varietate sacrorum, 
religionum habet effectus. Omnes aedium facra¬ 
rum ratiocinationes, uti mihi traditae sunt, ex¬ 
posui, ordinesque & symmetrias earum parti¬ 
tionibus distinxi, & quarum dispares sunt figu¬ 
rae, & quibus discriminibus inter se sunt dispa¬ 
ratae, quoad potui, significare scriptis curavi. 
Nunc de aris Deorum immortalium, uti aptam 
constitutionem habeant ad sacrificiorum ratio¬ 
nem, dicam.