M. VITRUVII POLLIONIS 
VI 
ctorum, & incrementis eorum scribens, omnia fere 
mutuatus est ab iis, quae facunde expressit Lucrétius 
libro quinto. Epicureum igitur fuisse, in his saltem 
quae ad rerum naturam atque principiorum constitu¬ 
tionem pertinent, non est obscurum. Verum enimvero 
moribus fuisse candidis, &, ut ethnicum, satis pium 
nec numinum e coelo deturbatorem cum Epicuro & Lu¬ 
cretio, satis patet ex iis, quae de templis, de Diis, 
deque honore debito illis deferendo, scriptis suis inter- 
seruit. Militasse porro, & in castris Iulii Caesaris fuisse 
inde cognoscimus, quod lib. VIII. c. 4. de proprietati¬ 
bus nonnullorum fontium disserens, affirmar, C. Iulium 
Masinissae filium, qui cum Caesare militavit, ipsius Vi¬ 
truvii hospitio fuisse usum: unde illud quoque facile 
argumentari licet, nostrum hunc architectum in exer¬ 
citu non fuisse obscurum, qui insignem virum, nempe 
Masinissae filium, habuerit contubernalem. Caesari au¬ 
tem ob rei aedificatoriae peritiam fuisse notum, ipsemet 
in prooemio primi libri ad Augustum scribens, prote¬ 
statur. Quo quidem Caesare de medio sublato, & Au¬ 
gusto summo rerum imperio potito, eidem a sorore 
Octavia commendatus fuit. Verum cum duas eiusdem 
nominis sorores habuerit Augustus, maiorem alteram 
Anchariae, minoremque alteram Attiae filiam, merito 
dubitari posset, utra earum commendationis illi bene¬ 
ficium impertiverit. Maiorem fuisse docet Aeneas Vi¬ 
cus Parmensis in libro Augustarum, ubi de ea loqui¬ 
tur, ita scribens: Quin etiam inter Augusti familiares peri¬ 
tissimum illum architectum Vitruvium collocavit, qui prius 
fuerat in castris Caesaris, quod ex commendatitiis eius literis 
effectum est. Haec Aeneas. Ceterum non modo eum Au¬ 
gustus in clientelam suscepit, & amplum eidem quoad 
viveret stipendium assignavit, sed machinis quoque bel¬ 
licis praefecit, quod & ipse his verbis reliquit attesta¬ 
tum: Itaque cum M. Aurelio, & Pub. Minidio, & Cn. Corne¬ 
lio ad apparationem ballistarum, & scorpionum, reliquorumque