SVR VITRVVE.
371
Palestre, estoit antiquement vn lieu où les jeunes hommes s'e
xercitoyent à toutes les forces & agilités de corps & d'esprit qu'il
estoit possible mettre en auant.
Palme, est vn mot qui a beaucoup de significations: car en pre¬
mier lieu il signifie la paume de la main, contenant quatre pou¬
ces de large, & de là vient qu'il se met souuentesfois pour sembla¬
ble mesure. Aussi est palme vn arbre qui porte les dattes, lequel
aucuns veulent dire estre sterile en Italie, & fertile en Espagne, spe¬
cialement sur les riuages de la mer. A la verité j'en ay veu en l'vn
& en l'autre païs:mais je n'y pris oncques de si pres garde, à l'oc
casion de ma jeunesse, qui ne s'addonnoit encores à telles choses.
Si est-ce que si ledit arbre porte fruict en Espagne, aucuns tien-
nent qu'il est amer. En Afrique il en produit de doux: mais il ne se
peut longuement conseruer. Et en tous les pais d'Orient il y pro¬
uient en toute perfection, tellement que les habitans en font du
pain, du bruuage, & plusieurs autres choses conuenantes à leurs
necessités. Nostre auteur le met quelquesfois pour la partie plat-
te d'yn Auiron, à sęauoir celle qui bat les ondes, & qui fait nager
les bateaux.
Paralleles, sont deux lignes egalement distantes l'une de
l'autre.
Paramesé, Paraneté synemmenon, Paraneté Diezeugmenon,
Paraneté hyperboleon, Parhypate meson, Parhypate hypaton, &
autres telles paroles Grecques, sont assez exprimees auec le tex¬
te: parquoy en cest endroit ne requierent plus ample decla¬
ration.
Parastades, ou Parastates, sont compagnons ou coadjuteurs,
comme gents de pied à gens de cheual: mais proprement ce sont
soixante soldats essus, qui font vn bataillon quarre, dont le Capi¬
taine est appellé Tetrarque: pareillement en vn bal, celuy qui suyt
apres le premier, peut estre nommem Parastate, à raison que si ledit
premier failloit, cestuy sa pouroit reparer la faute, & de la est ve¬
nu que les Arcsboutans, dont on fortifie les murailles, sont ainsi
nommés entre les Grecs.
Parapegma, est pris pour tout instrument Astronomique: mais
en particuliet, ce n est sinon la reigle attachee sur son dos, car Pa¬
rapegaio en Grec ne veut dire autre chose sinon je siche ou atta¬
che quelque chose.
Paretoine, est vn port en lamer Cyrenaique lequel a quarante sta¬
Aaa ij
