369 
SVR VITRVVE. 
Quoy voyant son fils Pharnaces, luy mesmes l'assiegea en vn 
chasteau : & celà voyant le poure Roy tascha de se faire mourir 
par poison, chose qui ne luy peut succeder, obstant les grands re¬ 
medes dont il auoit vsé toute sa vie, & en auoit accoustume sa na¬ 
ture, qui fut cause de luy faire appeller vn soldat Françoys, à ce 
qu'il le voulust tuer, mais ce soldat estonné de la presence de son 
Seigneur ne sçeut jamais auoir le cœeur de ce faire, ains se print à 
trembler de frayeur. Quoy voyant ledit Roy, reduit à l'extremité, 
de desespoir luy mesme print la main du soldat, & aida courageu¬ 
sement à se meurtrir. 
Monde, ce mot comprend en soy le ciel, la terre, & toutes les 
choses qui naturellement y sont contenues. 
Monades, ce sont nombres simples, comme qui compteroit plu¬ 
sieurs fois vn, sans dire deux, trois, quatre, & ainsi des autres. 
Mutius Sceuola fut vn gentil homme Romain, lequel au temps 
que Porsenna Roy des Etruriens, maintenant Tuscans ou Floren¬ 
tins, eut mis son siege deuant Rome, à fin de restituer le Roy Tar¬ 
quin, surnommé l'orgueilleux, en son autorité, dont les Romains 
l'auoyêt desmis, Ce Mutius alla de faict à pensee au camp de Por- 
senna pour le tuer: & voyant vn Capitaine aussi richement accou¬ 
stré comme vn Roy, il executa sur luy son entreprise, pensant a¬ 
uoir faict mourir le Roy:mais tost apres, congnoissant qu'il auoit 
failli, luy mesme brussa sa main par despit, auec merueilleuse con¬ 
stance, declarant à Porsenna que trois cents gentils hommesRo¬ 
mains auoyent juré sa mort aussi bien que luy. Quoy entendu par 
ledit Roy, & voyant la magnanimité dudit Mutius, mesmes 
le dangier où seroit sa personne, se voulant oppiniastrer à la con¬ 
tinuation du siege, non seulement ne voulut pardonner à ce Mu¬ 
tius, ains, qui plus est, apres auoir pris par acquit certains hosta¬ 
ges des Romains, se partit de deuant la ville, & retourna en ses 
pais. 
N 
Nauire, pour vn signe du ciel , c'est celle qui est dite Argos, 
en laquelle lason nauigua pour aller conquerir la Toison 
d'or. 
Nemee, est vne region d'Arcadie, dedans l'yne des grades fo¬ 
rests de laquelle Hercules fit mourir vn grand Lion: pour souue¬ 
nance dequoy les Argiens establirent des jeux qui furent nom¬ 
més de Nemee. 
Aaa