SVR VITRVVE. 
367 
puis en espousa l'vne, à sęauoir Iph; anassa. 
Mercure, à l'interpreter selon le Latin, vaut autant à dire com¬ 
me courant au milieu des hommes: Il est Hermes entre les Grecs, 
qui signifie interprete ou truchement. Or n'est ce Mercure autre 
chose, que la parole, au moyen de laquelle tous hommes peuuent 
traffiquer ensemble, & voilà pourquoy les antiques le firent Dieu 
de Marchandise, & luy mirent des aisses à la teste & aux pieds, vou¬ 
lans donner à entendre que la parole se porte legierement en l'air 
Plus ils le firent messagier, à raison que par la parole toutes pen- 
sees sont descouuertes, Qui voudra voir combien il en fut de me¬ 
morables sous ce nom, lise le troisieme liure de Cicero traictant 
de la nature des Dieux. 
Meroë est vne ville metropolitaine de la plus grande Isse que 
face le Nil, & si en y à bien sept cents, comme tesmoigne Diodore 
Sicilien, en ses premier & dixseptieme liures. Ceste Isse porte la 
forme d'vn bouclier, & si a bien trois mille stades en longueur, & 
mille en largeur, dont chacun stade vaut eent vingt cinq pas, ou 
six cents vingt cinq pieds communs. Elle est garnie de minieres 
d'Or, d'Argent, d'Airain, & de laiz, mesmes de bois d'Ebene, & de 
plusieurs sortes de pierrerie. Elle est distante par cinque mille stades 
de la ville de Siene, dont cy apres sera parlé. Le Roy Cambyses, 
ayant occupé toute l'Egypte, donna le nom de sa sœur à ceste Me- 
roë, pource que en la menant par le pais, elle y mourut & y fut en¬ 
terree. 
Methode, est vne brieue façon d'enseigner ou appredre quel- 
que chose, au moyen de laquelle les hommes paruiennent assez 
tost à leur desir. 
Metopes, sont espaces quarrés entre deux Soliues. 
Milete, fut vne ville de Carie en Asie, laquelle fut fodee par vn 
Miletus fils d'Apollo, & d'Argea fille de Cleochus. D'autres diset 
qu'il ne fut engendré de cest Apollo, mais d'vn Exantius fils de 
Micon, & encores d'autres afferment qu'il estoit fils de Sarpedon 
sils de lupiter. Quoy qu'il en soit, ce Miletus voulant chasser Mi- 
nos ja de grand aage hors son Royaume de Crete, maintenant 
Candie, lupiter luy donna telles affres qu'il s'éfuit en l'Isle de Sa- 
mos, & de là en Carie, où (comme dit est) il fonda vne ville de son 
nom pour sa retraicte. 
Milo de Crotone, fut homme de si grande force, qu'il couroit. 
bienyn stade entier sans reprendre son haleine, combien qu'il por¬ 
Zz iiij