Full text: Vitruvius: Tesoro De Las Tres Lengvas Española, Francesca, Y Italiana

Hipomoclion, c’eſt vn billot que les ouuriers mettent deuant
quelque groſſe pierre ou autre choſe qu’ils veulent mouuoir de
lieu en autre, puis aſſoyent deſſus le dos de leurs pinſes ou pieds
de cheures, & mettent leurs biſeaux ſous le faix. Celà faict ils fou-
lent tant qu’ils peuuent ſur les queuës ou bouts d’iceux outils, & par ce moyen ſouſleuent ce qu’ils veulent, mais à raiſon que ce
petit billot eſt cauſe de faire deſplacer vne choſe ſans comparai-
ſon plus peſante qu’il n’eſt, les ſuſdicts ouuriers luy ont donné le
nom d’Orgueuil.

Homeromaſtix, c’eſt à dire meſdiſant d’Homere.

170. I

Ichneumons, ſont beſtes de la grandeur d’vn chat, & de la for-
me d’vn rat, au moyen dequoy on les appelle Rats d’Inde, ou Ro-
madoux. I’en ay veu vn viuant au ſeigneur Maximiliam Sforce. Ceſte beſte fait mourir les Crocodiles: car elle ſe faict vne cotte
de fange, & la laiſſe ſeicher, à fin de s’en ſeruir d’armure, puis ſe
lance dedans les ventres de ces grandes beſtes où elle rompt & dechire leurs entrailles, apres s’en ſort par l’ouuerture d’iceluy
ventre dont la peau n’eſt gueres dure: & pour ceſte raiſon les ln-
diens adorent l’Ichneumon, comme celuy qui deſtruit leurs plus
mortels ennemys.

Ichnographie eſt aſſez expoſee par l’auteur meſme, parquoy
je n’en feray autre redite.

Ictinus, ou Ictin, fut antiquement le nom d’vn Architecte.

Idees, ſont imaginations que les hommes font en leurs pen-
ſees.

Imbecilles, c’eſt à dire ſans puiſſance.

Inde, eſt vne couleur azuree, & ſemblablement vn grand fleuue
en Aſie, dont la contree d’Inde prend ſon nom: toutesfois il eſt
nommé Sandus, par les peuples habitans au long de ſes riuages. Il
reçoit beaucoup de groſſes riuieres en ſoy, comme Cophé, Ace-
ſine, & Hydaſpes, deſquelles Pline a ſuffiſammẽt eſcrit au vingtie-
me chapitre de ſon ſixieme liure.

Ionie, d’où eſt venuë la ſorte des baſtiments Ioniques, eſt vne
prouince d’Aſie la mineur, ſituee entre Carie & Eolie: le premier
qui luy donna le nom, fut vn Capitaine Athenien appellé Ion,
fils de Xuth, dont ceſt auteur parle aſſez en ſon texte.

Ioppe, eſt vne ville maritime du païs de Paleſtine, où, ſelon au-
cui. s, regna jadis Cepheus pere d’Andromeda. C’eſt la plus an-

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer