SVR VITRVVE.
347
au collier d'vn cheual, ou autre beste de labeur, & en applanit
l'on les terres, apres qu'elles ont esté labourees. Nos Champenois
l'appellent communement Bloutroir, pource qu'il casse & met à
l'vni les mottes de terre, qu'ils nomment Bloutres ou Blottes.
Cymaises, sont moulures, que nos ouuriers disent commune¬
ment doucines.
Cymbales, sont clochettes assez congnuës aux fondeurs: par¬
quoy je ne m'arresteray à les descrire.
Cynosure, est vne estoile au Ciel.
Cirque de Flaminius, c'est celuy que Cesar fit refaire.
Climats, sont amples espaces de la terre ou du ciel, que l'on peut
dire bandes ou lizieres.
Climaciclos, est vne petitè eschelle ou bandage d'vne machine
de guerre, pour la mettre en deuoir de jecter traict à l'aise des ti-
reurs, en la montant à reposees.
Clitore, est vne ville d'Arcadie, assez specifiee au texte.
Colchos, est vne prouince en Asie, voisine du pais de Pont. En
elle est contenue la montaigne de Caucase, qui s'estend jusques
aux montaignes Riphees. D'vn de ses costés elle regarde la mer
Euxine, & les palus Meotides: & de l'autre la mer Caspiane ou
Hyrcanienne: le fledue Phasis la baigne de ses ondes. Ceste pro-
uince fut au temps passe le royaume d'Aëtes pere de Medee, &
où l'on feint que lason rauit la toison d'Or.
Colosicoteres, sont choses plus grandes que le naturel.
Comices, estoyent les jours ausquels tout le peuple de Rome
s'assembloit, à fin de creer les magistrats.
Conclaues, sont tous lieux qui se ferment à clef: mais aucuns
veulent que ce soyent les plus secrettes parties d'une maison.
Conistere estoit vn lieu où les jeunes hômes qui s'exercitoyênt
nuds à la luitte, apres auoir huilé leurs corps, venoyênt à les frotter
de poudre, à fin que leurs aduersaires peussent auoir meilleur prise.
Conon, estoit vne forme d'horloge.
Cos, est vne isse des Cyclades en la mer Egee selon aucuns, &
selon d'autres en l'Icarienne, voisine de Rhodes, droit deuant Ca¬
rie. Elle fut au temps passe merueilleusement bien peuplee, &
fort plaisante à la veuè de ceux qui nauiguoyent en ceste mer. Da¬
uantage elle produit du vin excellent. Hippocrates chef de la
medecine, & Appelles singulier en peincture, furent tous deux
natifs de là,
XX ij