Full text: Vitruvius: Tesoro De Las Tres Lengvas Española, Francesca, Y Italiana

Cephiſus & Nelas, ſont deux riuieres au païs de Beotie, dont là
premiere ſourd au pied du mont Parnaſſus, & puis s’en va tumber
en la mer dite Phalere. La ſeconde pareillement ſort de la meſ-
me mõtaigne, & ſe rend nauigable dés ſa ſource: ſon eau va choir
dedans iceluy Cephiſus.

Ceres, fut fille de Saturne & d’Opis, c’eſt à dire du Temps & de la Terre: elle eſt dite deeſſe des froments, pource que ce fut
la premiere qui en monſtra l’vſage aux hommes. Voyez qu’en dit
Cicero en ſon liure de la nature des Dieux, & Claudian le Poëte
en ſon rauiſſement de Proſerpine.

Cerulee, eſt la couleur qu’on dit Azur.

Ceruſe, eſt vne drogue que nous appellons communement
blanc de plomb, ou blanc d’Eſpagne.

Cerre, eſt vne eſpece d’arbre qui croiſt droit & haut, & qui eſt
de forte matiere, nous l’appellons communement Heſtre.

Chelonies, ſont ammares, auches, ou boites, ſur quoy s’aſſied
vn moulinet qui ſe tourne à bras, pour faire monter vn fardeau
où l’on veut.

Chirotonectõ eſtoit le tiltre d’vn liure que Democrite le Phi-
loſophe auoit faict pour ſoy-meſme, & ſignifie autant comme re-
cueil des choſes eſluës, & quaſi triees à la main.

Chionides, fut vn Athenien Poëte, facteur de Comedies ou
jeux pour donner plaiſir au peuple.

Chio, eſt vne petite iſle de la mer Mediterrane, maintenãt dite
Sio, ſubjecte aux Geneuois, & produit d’excellent vin.

Chorobate eſl vn inſtrument propre à niueller eau.

Chryſocolle, eſt vne couleur prouenãte d’vn humeur qui naiſt
dedans les puits, & aux minieres des metaux: elle participe aucu-
nesfois du verd, aucunesfois de l’azur, aucunesfois du rouge, & au-
cunesfois du iaune, qui eſt la plus grande perfection qu’elle ſau-
roit auoir en beauté.

Chroma, eſt vn temps de Muſique, fleurette de pluſieurs ſemi-
breues, qui ne durent plus à eſtre prononcees, que fait vne note
de plein chant.

Cicloten, en Grec, ſignifie mouuemẽt de poulions ou roüages.

Cidnus, eſt vn fleuue, qui ſort de la montaigne Taurus, & paſſe
à trauers la ville de Tarſo en Cilicie.

Cylindre, eſt vne piece de bois ronde, ayant deux rouleaux en
ſes extremités. Icelle, en païs plat, s’attache par double corde

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer