Full text: Vitruvius: Tesoro De Las Tres Lengvas Española, Francesca, Y Italiana

Arcadie, eſt vne partie de la region d’Achaïe, qui eſt des ap-
partenances du païs de Peloponneſe en la Grece, & eſt ceſte Ar-
cadie mediterrane: c’eſt à dire de tous coſtés eſloignee de la mer,
& ſi eſt merueilleuſement boſſue de montaignes, qui fait que ſes
habitans ſont pour la plus part gardiens de beſtail.

Archimedes, fut vn grand Mathematicien: c’eſt à dire homme
bien meſlé de pluſieurs bonnes ſciences, & entre autres d’Aſtro-
logie, Geometrie, & Arithmetique ou art de nombrer, & ſur tout
ſouuerain enginier. Sa naiſſance fut en Siracuſe ville de Sicile ſi-
tuee au pied de la montaigne Pachin, d’où ſort la fontaine Are-
thuſe. Il fit vne fois vne ſphere de verre, en laquelle par admirable
induſtrie, tous regardans pouuoyent voir les contraires mouue-
ments des cieux. Il floriſſoit au temps que Marcus Marcellus ca-
pitaine Romain aſſiegea Syracuſe, auant la prinſe de laquelle il
defendit expreſſement à tous ſes ſoldats, qu’aucun ne fuſt ſi hardi
de faire mal audit Archimedes. Et nonobſtant, ainſi que le poure
homme eſtoit ententif de tout ſon eſprit auec le corps, à former
quelques figures de Geometrie, pour faire des engins nuyſibles
aux Romains, il fut tué par vn ſoldat furieux, qui ne ſçeut auoir la
congnoiſſance de ce Philoſophe tant & ſi curieuſement recom-
mandé.

Architas, fut vn Philoſophe de la ville de Tarente en Calabre,
qui floriſſoit au temps que Platon vint en Sicile, au mandement
de Denys le Tyran, & qui aduertit ſecrettemẽt par vne lettre le-
dit Platon que ce Roy malheureux le vouloit faire mourir: au
moyen dequoy à grand’haſte ſe retira.

Architecte, ſignifie vn homme de bon entendement, qui prẽd
ſur ſoy la conduite d’vn edifice.

Architraue, eſt comme vn ſommier de pierre, ou de charpen-
terie, qui ſe met au deſſus d’vn eſtage, pour en continuer des au-
tres en montant.

Arctos, ou Helice, eſt vne eſtoile aſſez prochaine du Pole ar-
ctique, dit aucunesfois le Septentrion, par autres le Nord, & par
aucuns la Tranſmontane: toutesfois les Aſtrologues & Poëtes la
nomment communement la grande Ourſe.

Arcturus, ou Arctophylax, eſt auſſi vne autre eſtoile, & ſignifie
gardien ou queuë de l’Ourſe.

Ardea, fut vne cité antique, principale du païs des Rutuliens. dont Turnus eſtoit Roy, & n’eſtoit eſloignee que de dixhuict

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer