Full text: Vitruvius: Tesoro De Las Tres Lengvas Española, Francesca, Y Italiana

SVR VITRVVE. la ville dite Sydon, ou Tyr en Phenicie, qui depuis le premier jour
de ſa vie, juſques à celuy de ſamort, fut touſiours trauaillé de fie-
ure: ce neantmoins il veſcut aſſez long aage, mais finalement il
mourut de ſa fieure.

Antiboree, eſt vne eſpece d’horloge tout au contraire des au-
tres: car communement tous ſe tournent deuers le Midi, & ceſte
là ſe met oppoſite au Septentrion ou Nort, que pluſieurs nom-
ment Tranſinontane.

Apennin, eſt le nom de la montaigne qui s’eſtend tout au long
& par le milieu d’Italie: elle commence à Gennes, & continue juſ-
ques en Sicile: mais le dos de ſa cambrure va regardant la mer A-
driatique, autrement dite Venitienne, ou mer d’amont: & le de-
dans de ladite cambrure void la mer Tyrrene, que l’on dit com-
munement d’aual.

Apollonie, eſt le nom d’vne ville antique.

Apollo, fut vn Dieu qui ſouloit eſtre adoré par les Gentils: les
Grecs le nommoyent Phebus, qui ſignifie le Soleil. Ce Dieu auoit
diuerſes puiſſances, à ſçauoir d’ayder aux poëte, à bien faire leurs
ouurages, de predire les choſes à venir, de bien tirer de l’arc, d’e-
ſtre chef de la Medecine, & de bien ſonner de la lyre. A ceſte cau-
ſe nous en voyons trois ſignes enuiron ſon image, à ſçauoir la ly-
re, qui repreſente l’harmonie celeſte, & le bouclier qui le ſignifie
n’eſtre ſubject aux offenſes humaines, puis ſes ſagettes, qui de-
monſtrent la puiſſance de punir les meffaicts.

Apulia, eſt vn païs au Royaume de Naples, que l’on dit main-
tenant la Pouille, pres Calabre.

Aquarius, ou Verſeur d’eau, eſt l’vn des douze ſignes du ciel, qui
regne tous les ans au mois de Ianuier.

Aquilee, eſt vne cité au domaine des Venitiens.

Arabie, eſt vn grand païs d’Aſie la majeur, ſituee entre Iudee & l’Egypte: il ſe diuiſe en trois parties, dõt la premiere eſt dite heu-
reuſe, la ſeconde pierreuſe, & l’autre deſerte.

Arade, eſt le nom d’vne cité antique.

Araignee, eſt vne deſcription de lignes ſur le dos d’vn Aſtro-
labe ou inſtrument propre à congnoiſtre les hauteurs du Soleil,
& autres choſes connuenables aux Aſtrologues & Geometriens.

Arbuſcules, ou Amaxopodes cy deſſus ſpecifiés ſont vne meſ-
me choſe, & ſignifient autant comme pieds cauſans le mouue-
ment d’vn charroy.

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer