Full text: Vitruvius: Tesoro De Las Tres Lengvas Española, Francesca, Y Italiana

ANNOTATIONS de Minerue, fut colloquee au ciel entre les eſtoiles, & ce pour le
grand bien que ceſte Deeſſe vouloit à Perſeus, le congnoiſſant
bon & vertueux Prince.

Andronitides, ſont lieux où les hommes Grecs ſe ſouloyent
retirer pour banqueter, ſans empeſchement de femmes.

Angiportes, ſont proprement petites ruelles eſtroites, tortues
& difficiles à paſſer, ou bien qui n’ont fors vne autre entree ſans
iſſue, mais on les met aucunesfois pour tous chemins par où l’on
apporte viures à la ville, & autres choſes propices aux vſages des
habitans, meſmes peuuent ſignifier toutes voyes publiques.

Angles, ſont coins ou extremités de toutes choſes.

Anchibates, ou Enchibates, ſont choſes prochaines d’vne pro-
fondeur,

Aniſocyles, ſont engins à roüages, qui ſe peuuent facilement
mener de tous coſtés ſelon le bon plaiſir des hommes.

Anſes, ſont bouts de cordes noüés en maniere d’vn las.

Anterides, ou Eriſmes, ſont contreforts de fondements, autant
ſeparés les vns des autres, que ledit fondemẽt peut auoir de hau-
teur, depuis ſon fonds juſques à rez de chauſſee.

Aſie eſt le nom d vne des trois parties du monde, mais beau-
coup plus grãde que les autres. Ceſte là ſe diuiſe en deux parties,
à ſçauoir grande, & petite: elle commence en Inde Oriẽtale, ſa ſe-
paration d’auec l’Europe ſe fait par le fleuue Tanaïs, & de l’Afri-
que par le Nil. Le nom d’Aſie luy fut donné (comme veulent au-
cun@) par vne Nymphe ainſi appellee, laquelle fut fille de l’Oc-
cean, & de Tethis, puis eſpouſe de Iapetus: Mais Herodote eſcrit
le contraire, diſant que ceſte Aſie eſtoit mere de Prometheus: Encores en eſt-il d’autres qui teſmoignent que ce nom luy fut: impoſé par vn Aſius fils de Maneus Lydien, qui de ſon temps re-
gna en elle. Au regard de moy, je ne puis juger quelle opinion
eſt la meilleure, mais tant y a que je treuue qu’Aſie eſt le nõ d’vn
grand marais, en la region de Lydie, prochain du fleuue Cayſter,
& ceſtuy là (ſelon mon jugement) pourroit bien auoir donné ſon
nom à toute la contree.

Antiochus, fut vn roy de Syrie en Iudee, deſcendant de Seleu-
cus Nicanor premier fondateur de la ville d’Antioche.

Antibaſe vaut autant à dire comme vne contrebaſe ou enta-
blement.

Antipater, fut vn Philoſophe poëte, de la ſecte Stoique, natif de

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer