En l’eſtage du milieu ſe mettoyent les Scorpions & Catapul-
res: puis outre tout celà ſe pouuoyent dreſſer deux Eſtamperches
de trentecinq pieds en hauteur, eſpaiſſes de pied & demi, larges
de deux, qui s’aſſembloyent à vn trauerſant mortaiſé & bandé à
lames de fer, auquel ſe pouuoit de fois à autre changer d’engins,
au moyen d’vn certain arcboutant aſſigné entre les deux Eſtam-
perches, & s’enclauant en la ſabliere de trauers.
Sur ceſt arcboutant eſtoyẽt attachees les ammares ou auches. & les ferrements pour aſleoir moulinets, plus s’y pouuoyent met-
tre deux aiſſeaux ou arbres giſans polis au tour, ſur leſquels tour-
noyent les cordages qui faiſoyent mouuoir le bellier, & ſur les te-
ſtes des hõmes deſtinés à le mouuoir, ſe leuoit vne petite Eſchau-
guette en façon de Tournelle, où pouuoyent entrer deux ſoldats,
& eſpier ſeurement de là, quelles choſes faiſoyent les ennemis,
pour en faire le rapport aux Capitaines.
Le bellier de ceſte machine auoit cent ſix pieds de long, & e-
ſtoit large en fons d’vn pied & vn palme, valant quatre poulces: mais en ſon bout de deuant il portoit vn pied d’eſpais: & fut gar-
ni d’vn eſperon d’acier, ainſi que les grands nauires ont accouſtu-
mé de le porter.
De ceſt eſperon procedoyent quatre bandes de fer enuiron de
quinze pieds de long, fermemẽt clouëes ſur le fuſt, qui auoit qua-
tre chables gros de huict doigts, tendus depuis l’vn de ſes bouts
juſques à l’autre, & accouſtré en pareille ſorte que l’õ fait les cor-
des d’vn maſt pour le tenir leué entre poupe & prouë.
Ces chables eſtoyent liés de cordeaux par le trauers, à pied & palme d’eſpace l’vn de l’autre, puis le bellier eſtoit enueloppé de
cuir cru, & pour le ſouſtenir en l’air, y auoit quatre chaines expreſ-
ſes pareillement recouuertes de cuir.
En la forgerture ou ſaillie de ceſte machine ſe mettoit comme
vne arche de gros aix de bois, attachee aux boucles des gros cha-
bles, par deſſus la retorſe deſquels on pouuoit facilement & ſans
crainte, couler juſques au pied de la muraille.
Ladite machine ſe mouuoit en ſix manieres, à ſçauoir en auant
& en arriere, de coſté & d’autre, à droit & à gauche, quand elle e-
ſtoit pouſſee: meſmes ſe pouuoit leuer contremont, & ſe rabbaiſ-
ſer contrebas. Si donc on la faiſoit leuer pour demolir vne mu-
raille: c’eſtoit enuiron cent pieds de haut, mais ſi on la pouſſoit
d’vn coſté ou d’autre, à dextre ou à ſeneſtre, elle s’auançoit auſſi
