Pour deux cents dix liures, de deux pieds ſept doigts & vn
neufieme.

Pour deux cents cinquante liures, de deux pieds, onze doigts
& demi.

Eſtant ainſi conſtituee la largeur de ces trous principaux, ſoit
formee la Scutule ou Rondelle, que les Grecs nomment Peritri-
tos, c’eſt à dire percee enuiron ſa circonference, laquelle ayt deux
diametres de trou en longueur, auec vne douzieme partie, & vne
drachme de ſuperabondant: puis de groſſeur deux d iceux trous,
& vne ſixieme portion adjoincte.

Apres ſoit diuiſee en deux moitiés la ligne de ſa rondeur: & l’ũ
de ſes bouts reſtreci d’vne ſixieme partie de la longueur, en ſorte
que ladite rondelle vienne à repreſenter vne forme ouale, mais
qu’elle porte de large à l’endroit de ſa verſure ou reſtreciſſement,
vne quarte partie de ceſte meſure: & ſur le coſté où ſe faict ſa cã-
brure, auquel ſe rapportent les ſummités des angles, & où pareil-
lement les trous ſe rangent, faut que la reſtreciſſure ſe retourne
en dedans d’vne ſixieme partie de ladite largeur.

Le maiſtre trou d’icelle Rondelle ſoit autant long comme a
d’eſpaiſſeur l’Epizyge, c’eſt à dire la chambrette où s’enchaſſe la
noix.

Quand tout celà aura eſté formé, l’enuiron ſe diuiſe en neuſ
parties, à fin que la cambrure en ſoit doucemẽt contournee: mais
faites que l’ouuerture de ſon trou porte vn diametre du principal
auec vn demi & trois oboles. Lors ceſte beſongne accõplie, ſoyẽt
ordonnés les vaiſſeaux ou augets propres à tenir les pierres, en
ſorte qu’ils ayent deux trous de large, & vne quarte partie de la
moitié d’vn, ou pour le moins vn & demi auec vn Sicilique, & vn
neufieme: puis leur eſpaiſſeur, ſans ce qui entre dedans la mor-
taiſe, monte à vn demi diametre: mais il faut qu’elle ayt autant de
ſaillie que monte la meſure principale auec vne ſeizieme partie
de plus.

La longueur des Paraſtates, ou contreforts, ſe face de cinq dia-
metres, vn cinquieme & trois oboles.

La courbure ayt vne moitié de trou, & la groſſeur emporte vne
once auec vne ſoixantieme partie de ſuperabondant.

L’on adjouſte à la Paraſtate moyenne autant que vaut l’eſpace
eſtant pres du trou faict en la deſcription, à ſçauoir vne cinquie-
me partie du diametre.