DIXIEME LIVRE 
190 
Touteskois encores est-ce que la machine destinee à tirer, rend 
des commodités plus grandes, plus proffitables, & plus estima¬ 
bles de magnificence, pourautant qu'elle a plusieurs merueilleu¬ 
ses vertus, quand l'on en sçait vser auec prudence. 
Aucuns de ces engins se meuuent mechaniquement, c'est à di¬ 
re auec ingeniosité d'art, & les autres organiquement, ou par con¬ 
traintes d'air entonné, comme dit est. 
Or entre les machines & organes est difference telle, que les¬ 
dites machines sont contraintes de monstrer leurs effects par plu¬ 
sieurs actes d'ouurage accompagnés d'vne grande force, comme 
il se void à tendre les grosses arbalestes ou bricoles, ou à tourner 
les vis des pressoirs par dedans leurs escrouës. 
Et les organes font ce qui est proposé, auec vne seule beson- 
gne, & par vn maniement subtil: comme quand ce vient à mon¬ 
ter les Scorpions ou Bacules, & à faire tourner les Anisocycles, 
qui sont mouuements de rouages allans de tous costés, sans gue¬ 
res de peine. 
Ces organes donc & les machines sont necessaires à nos ysa- 
ges: car sans le secours qui nous en vient, il n'y a chose qui ne nous 
donnast beaucoup d'empeschement. Parquoy ie dy que tous en¬ 
jins ont esté premierement creés par la Nature, & exprimés par 
le tournoyement du ciel, qui nous y a serui de precepteur & mai¬ 
strè, comme ainsi soit que les hommes en premier lieu contem¬ 
plerent le cours du Soleil, de la Lune, & des cinqe estoiles errantes, 
desquelles si les mouuements ne se faisoyent par artifice trop in¬ 
custrieux, nous n'aurions point de lumiere sur la terre, & jamais 
ne paruiendroyent les fruicts à la maturité requise. 
A ceste cause nos premiers peres, voyans que la Nature faisoit 
ainsi ces ouurages, prindrent exemple à elle, & en cerchant 
dimiter ses circuitions, stimulés (comme il est à croire) de quel¬ 
que esprit diuin, inuenterent plusieurs vtilités pour nostre vie, 
trouuans moyen de rendre maintes choses aisees par machines, 
& quessques autres par organes: puis leurs suyuans furent curieux 
d'augmenter de degré en degré par estudes, arts, institutions & 
doctrines, ce qu'ils congnurent estre necessaire pour le bien de 
nos vsages, par especial comme les vestements de laine, qui fu¬ 
rent premierement inuentés de la necessité, & les toiles qui se tis¬ 
sirent & ourdirent sur mestiers organiques par entrelassements de 
filets, non seulement pour couurir les corps des personnes rai¬ 
son